پرس بادینی
ئاژانسا هەواڵگریا فیدڕالی ئاماژە ب دەستەسەرکرنا موفتیەکێ داعشێ دکە کو ژ ئالیێ هێزێن ئەمنی یێن عێراقێ ڤە ل پارێزگەها کەرکوکێ هاتیە گرتن.
ل گۆڕەی ڕاگەهاندنەکێ کو ئیروو چوارشەمبی ژ ئالیێ ئاژانسا هەواڵگریا فیدرالی ڤە هاتیە بەلاڤکرن، ئەوان شیایە ئێک ژ سەرکردەیێن ڕێکخراوا تیرورستیا داعشێ دەستەسەربکەن کو بەریا نها ل گۆڕەی ماددێ ٤ێ یێ تیرورێ داخازکری بوو.
دەستەسەرکری وەکو موفتی شەرعی یێ داعش ل ناوچەیێن کەرکوکێ ل ناحیا ڕەشاد کار کریە، د ڤەکولینێن دەستپێکی دا دانپێدانکرنە کو پەیوەندی دگەل داعشێ هەبوە.
دەستەسەرکری ژ خێزانەکا داعشی یە و دوو برایێن وی و کورمامەک وی د رێزێن داعشێ دانە و خوشکەکا وی ژی خێزانا ئێک ژ ئەمیرێن داعشێ یە ل کەرکوکێ.
No comments:
Post a Comment