پرس بادینی
ڕێڤەبەرێ چاڤدێریا بازرگانیا هەولێرێ ڕاگەهاند، دنهادا ژمارا سایلۆیێن هەرێمێ تێرا هەلگرتنا گەنمێ جوتیاران ناکەن، ژبەر وێ یەکێ حکومەتا هەرێمێ پێنج سایلۆیێن نوی ل گۆڕەی پێتڤیاتا باژێران و ژمارەیا جوتیاران دروست دکەت.
هێمن سەید موراد ڕێڤەبەرێ چاڤدێریا بازرگانی ل هەولێرێ ژبو مالپەرێ پارتی ڕاگەهاندیە "نها ل هەولێرێ ئێک سایلۆ و ل دهوکێ سێ سایلۆ و ل سلێمانیێ چوار سایلۆ هەنە کو ئەڤەژی تێرا هەڵگرتنا گەنمێ جوتیاران ناکەت".
ئەویەک ژی خوەیا کریە "ژبوی گرنگی دانا بەرهەمێ جوتیاران و پاراستنا گەنمی وەکە چاڤکانیا سەرەکی یا خوراکی و ئاسایشا نەتەوەی، حکومەتا هەرێمێ پێنج سایلۆیێن نوی دروست دکەت، کو ل هەمو باژارێن هەرێمێ ل گۆڕەی پێتڤیا باژێری و ژمارا جوتیاران و قەبارێ سایلۆیان دبیت".
ئاماژە ب وێ یەکێ ژی کریە، "د دەما چەند مەهان دایە سایلۆیەکا دن لسەر رێکا قوشتەپە دێ کەفیتە د خزمەتا جوتیارێن سنورێ پارێزگەها هەولێرێ، ب ڤی ڕەنگی ژی ژمارا سایلۆیێن هەولێرێ دێ بنە دوو سایلۆ".
No comments:
Post a Comment