پرس بادینی
وەزیرێ دارایا عێراقێ ڕاگەهاند، پێدانا مووچێ فەرمانبەران ل عێراقێ بەندە ب پەسەندکرنا پرۆژەیاسایا وەرگرتنا قەرزان ژ ئالیێ پەرلەمانی ڤە.
عەلی عەلاوی، وەزیرێ دارایا عێراقێ، ژبوی مەدیایێن عێراقێ ڕاگەهاند، مووچێ ئەڤێ مەهێ یێ خانەنشێنان دابەشکریە و دبێژە "د چەند رۆژێن بێت و حەفتیا بهێت دێ دەست ب دابەشکرنا مووچە و دەرماڵێ فەرمانبەران هێتە کرن".
وەزیرێ دارایێ عێراقێ ڕاگەهاندیە ژی، ئەگەر پەرلەمان پرۆژەیاسایا وەرگرتنا قەرزا پەسەند بکەت، ل وی دەمی پارێ پێتڤی دێ لبەر دەست بیت و ئەم دشێن مووچەی دابەشکەتن، دەربارەی پڕۆژە یاسایێ ژی گوتیە "پڕۆژە گەلەک گرنگە، چونکە پێتڤیێن دارایێن دەولەتێ دابین کەتن و کورتئانینی ژی دێ د بودجەی دا چارەسەرکەتن".
ئەڤە د دەمەکێ دایە جڤاتا وەزیرێن عێراقێ، چوارشەمبیا بووری ٣٠ی ئەیلولێ، پرۆژەیاسایا وەرگرتنا قەرزێن دن یێن نافخوی پەسەندکر و شاندە پەڕلەمانی، بەلێ هێشتا نەدیارە کەنگی پەڕلەمان دێ ئەوی پرۆژەیاسای پەسەندکەتن.
No comments:
Post a Comment