پرس بادینی
مەدیایێن پارتی دیموکراتی کوردستان د ڕاگەهاندنەکێ دا بناڤێ جڤاتا ئاسایشا هەرێما کوردستانێ بەلاڤکریە و تێدا هاتیە ڕاگەهاندنا تیما ئێکەتی دناڤا جڤاتێ دە ڕەتدکەت.
ئەڤرو سێ شەمبی ٢٧ی تشرینا ئێکێ ٢٠٢٠ێ ڕاگەهاندنەک بەلاڤکریە و تێدا هاتیە "بتنێ ئەو ڕاگەهاندن و بابەتێن ل سایتێ فەرمی یێ جڤاتا ئاسایشا هەرێما کوردستانێ(https://www.krsc.gov.krd) دهێنە بەلاڤرکرن، دەربرینێ ژ ڕایا جڤاتا ئاسایشا هەرێما کوردستانێ دکەن، و هەر تشتەکێ دی یێ دەرڤەی چوارچوڤێ ئەڤێ یەکێ بیت، دەربرنێ ژ ڕایا جڤاتا ئاسایشا هەرێما کوردستانێ ناکەت".
د بەشەکێ دن یێ ڕاگەهاندنێ دا ئاماژە ب وێ یەکێ کریە، هەمو بزاڤەکێ ژی ژبوی چەواشەکاریا ڕایا گشتی بو دژایەتی کرنا دەستهەلاتا فەرمی، د بن هەر فشارەکێ دا بیت ڕەت دکەین، خەلکێ کوردستانێ پشت ڕاست دکەین کو ئەڤ بزاڤێن نەزوک، مە ژ کارێن مە سارناکەن و دێ بەردەوام بین ل سەر دابینکرنا ئاسایشا وەلاتیان و پوچکرن و رێک گرتنێ ل هەمو بزاڤێن تێکدەرانە و هەمو ئەوێن دەست دگەل تیرورستان هەی، دێ رووبرویێ یاسایێ کەین".
ئەڤە د دەمەکێ دایە، درەنگیا شەڤا دەربازبوی تیما ئێکەتی ل جڤاتا ئاسایشا هەرێمێ ڕەتکرد کو ئەو ئاگەهداری ئەوێ ڕاگەهاندنا جڤاتا ئاسایشا هەرێمێ بن کو بەحس ل ئەنجامدانا ئوپەراسیونەکێ دکەت ژبوی دەستەسەرکرنا ژمارەیەکا گروپێن تێکدەر".
No comments:
Post a Comment