پرس بادینی
د رووبرووبونا دناڤبەرا هێزێن ئەمنی و بەشەکێ زیارەتکارێن چلەیا ماتەمینیا کوشتنا ئیمام حسێن دا ل باژارێ کەربەلایا عێراقێ بکێمی ٥٠ کەس برینداربوو.
ل گۆڕەی چاڤکانیێن ئەمنی پشتی وێ یەکێ کو بەشەک ژ زیارەتکاران ب گوتنا دروشمێ سیاسی و هەلگرتنا وێنەیێن وان خوپێشاندەرێن هاتین کوشتم، بزاڤکرنە بچنە دناڤا مەزارگەهێ ئیمام حسێنی دا، هێزێن ئەمنی رووبروویێ وان بونە.
هەر ل گۆڕەی ئەوان چاڤکانیا، بکێمی ٥٠ کەس ژ وان زیارەتکاران و هێزێن ئەمنی د رووبرووبونێ دا برینداربونە.
موقتەدا سەدر سەرۆکێ ڕەوتا سەدر ڕاکەهاند، ئەو کەسێن بزاڤ کرین مەراسیمێن چلەیا ماتەمینی یا ئیمام حسێنی سیاسی بکەن، کەسێن دوربون و ئەجیندایەکێ گومانلێکریێ بیانی ل پشت وان کارابوە، بزاڤکرنە ڤێ مەراسیمێ بو مەرەمێن سیاسی پەیدابکەن.
هەر چ مەدیایێن ئیرانی یێن فەرمی ژی، ئەوان زیارەتکارێن خوپێشاندەر ب دیف کەتیێن محەمەد سەرخی کەسایەتیێ ئاینی بناڤکرنە کو ڕەخنەگرێ عەلی سیستانی و سیاسیێن تەهرانێ نە.
د خوپێشاندانێن سالا بوری دا ل عێراقێ، کو نێزیکی سێ مەهان درێژبوو، بویە سەدەمێ نەچارکرنا حکومەتێ دەستژکاربکێشە، ب سەدان خوپێشاندەر هاتن کوشتن و برینداربون.
دەسپێکا ئیسال ژی و د ئێکەم سالیادا خوپێشاندانان دا، ل بەغدا و چەند جهێن دی خوپێشاندان برێڤە چوون، تێدا خوپێشاندەران تەکەز لسەر داخوازیێن خوپێشانەدەرێن پار کرن.
No comments:
Post a Comment