پرس بادینی
هەتا نها حکومەتا هەرێم و رێڤەبەری و فەرمانگەهێن تایبەت ب حکومەتێ ڤە نزانن ژمارا هێزێن ئاسایش و هێزێن پێشمەرگەی چەندن و چوو زانیاری یێن وان هەردوو فەرمانگەها ژ ئالیێ فەرمانگەها تەکنەلوجی زانیاریێن حکومەتا هەرێما کوردستانێ ڤە نەهاتنە تومارکرن.
د چەند رۆژێن بوریدا جڤاتا وەزیرێن هەرێما کوردستانێ د ڕاپورتەکا نڤێسکی دا ئاراستەی جڤاتا نوینەرێن کوردستانێ کربوو د دەربارا کارێن سێ مەهێن جێبەجێکرنا یاسایا چاکسازیان دا.
ل گۆڕەی ناڤەروکا ڕاپورتێ کو کوپیەک ب دەست پرس میدیا کەفتیە، حکومەتا هەرێما کوردستانێ چوو زانیاریین تومارکری دەربارەی ژمارە و زانیارێن هێزێن ئاسایش و هێزێن پولیسا ڤە نینن.
د بەشەکێ ڕاپۆرتا جڤاتا وەزیران دا پشت ب نڤێسارا ژمارە ٣ێ یا رێککەفتنا ٢٠٢٠/٧/١ یا فەرمانگەها تەکنەلوژیا زانیاریێن حکومەتا هەرێما کوردستانێ گرێدای یە و د نڤێسارێدا زیانیاریێن تومارکری یێن وەزارەت و دەستەیات روونکریە دەربارەی چاوانیا خەرجکرنا دەرماڵان.
د وێ نڤێسارا فەرمانگەها تەکنەلوژیا زانیاریان دا، بناڤێ هەر ئێک ژ وەزارەتا پێشمەرگەی و جڤاتا ئاسایشێ نەهاتنە و چوو زانیاری دەربارەی ژمارا کارمەندێن ئەوان هەردوو لایەنا و کوژمێ دەرماڵێت وان نەهاتنە ڕوونکرن.
ئەڤە ژی د دەمەکێ دایە ل ساڵا بووری ئاماژە ب وێ یەکێ هاتبو کرن کو ب سیستەمێ بایومەتریێ دڤێت زانیاری و ژمارا وان هەمو هێزا ئاشکرا بکەن.
No comments:
Post a Comment