پرس بادینی
ئەندامەکێ مەکتەبا سیاسیا پارتی دیموکراتی کوردستان د لێدوانەکێ دا دەستەیا ڕێڤەبرنا حەشدا شەعبی ب دەستهەلاتا داعشێ بەراوردکر ە ئەڤێ یەکێ ژی ئالیگرێن حەشدا شەعبی تورەکر.
هەر ژ دەستپێکێ هەڤپەیمانیا فەتح ب سەرۆکایەتیا هادی عامری خوە کرە خودانێ دوسێیا روبرووبونا ئەوان گوتنێن هشیار زێباری، ئەندامێ مەکتەبا سیاسیا پارتی.
هشیار زێباری گوتن لسەر حەشدێ کرن و جادەیا شیعیان ب تورەی هێلا، چەند ڕۆژان بەریا نها هشیار زێباری ئەندامێ مەکتەبا سیاسیا پارتی دیموکراتی کوردستان د چاڤپێکەفتنەکێ دا دگەل کەناڵێ حرە یێ عێراقی ڕاگەهاند، "هەرێما کوردستانێ ئالیگرا ئەمریکایە و نها حەشدا شەعبی وەکە چاوا داعشێ بەریا نها هەرێم کربوو ئارمانج نها ئەو ژی دژی هەرێما کوردستانێ ڕاوەستیانە".
ئەڤە دەستپێکا خوشکرنا ئەوی ئاگری بوو و ل داویێ بارەگایێ پێنجێ پارتی دیموکراتی کوردستان ل بەغدایێ شەوتاندن.
قەبارێ تورەبونا حەشد و ئالیگرێن توێ ل دەمەکێ دەرکەت کو جڤاتا نوینەرێن عێراقێ، ڕونشتنا ١٤ێ ئەڤێ مەهێ ب سەدەما هەڤرکیێ دناڤبەرا ژمارەیەک پەڕلەمانتارێن پارتی و هەڤپەیمانیا فەتح بو دەمەک نەدیار پاشخستن.
No comments:
Post a Comment