پرس بادینی
دۆناڵد ترەمپ سەرۆکێ ئەمریکا، پشتی توشبونێ ب ڤایرۆسێ کۆرۆنایا نوی و تەمام بونا ماوەیێ وەرگرتنا چارەسەریا پزیشکی، ئێکەم هەڵمەتا بانگەشەیا هەلبژارتنان دل باژارێ سانفۆرد ل ویلایەتا فلۆریدا ئەنجامدا.
دۆناڵد ترەمپ گوتارەک پێشکێشی لایەنگرێن خوەکر و گوت "ژ جاران ب هێزترم، د دەما نەخوشبونا مندا ئەز گەلەک تشتێن نوی فێربوم، ڕزگاربوم ژ کۆرۆنایێ، نها دێ بەحس ل وێ یەکێ کەم کو بەرەڤانیکرنا من باشە، ئەز هەست پێ دکەم گەلەک ب هێزم".
دۆناڵد ترەمپ بەروڤاژی ئەنجامدانا ڕاپرسیێ، بانگەشەیا وێ یەکێ دکە کو دێ دەنگێن زێدەتر لهەمبەر هەلبژارتنێن دی ئینیت و گوت "دیموکراتان دڤێت ئەمریکا وەکو کوبا کۆمۆنیست یان ژی وەکی ڤێنێزوێلایا سوسیالیستی لێ بکەن".
سەرۆکێ ئەمریکا، دۆناڵد ترەمپ شەڤا پێنج شەمبی لسەر ئەینیێ، ئێکی تشرینا ئێکێ لسەر دووی تشرینا ئێکێ ڕاگەهاندبوو کو ئەو توشی ڤایرۆسێ کۆرۆنایێ بویە و ل دووی تشرینا ئێکێ ژی هاتیە ڤەگوهاستن بو نەخوشخانا سەربازی واڵتەر رید و پشتی سێ شەڤان مانا وی ل وێرێ، بو ماڵا وی هاتە شاندن.
سیان کۆنلە پزیشکێ سەرۆکێ ئەمریکا، بەریا هەلمەتێ ل فلۆریدا ڕاگەهاند، پشکنینێن ئێک ل دیف ئێکی یێن دۆناڵد ترەمپی "نێگەتیڤ"دەکەتنە.
No comments:
Post a Comment