پرس بادینی
ئەندامەکێ لژنا دارای ل پەڕلەمانێ عێراقێ ژبوی پرس میدیا گوت، حکومەتا عێراقێ چو دەم ژبوی شاندنا ٣٢٠ ملیار دینارێن هەرێمێ دیار نەکرنە.
ئەحمەد حاجی ڕەشید ئەندامێ لژنا دارای ل پەڕلەمانێ عێراقێ ژبوی پرس میدیا گوت، ئەو وەکی لژنا دارای هێشتا ئەو پرۆژەیاسایا حکومەتێ نەگەهشتنە دەستێ وان کو داواکربیت ژبوی وەرگرتنا کوژمەکێ دەینا ژبوی پێدانا مووچێ فەرمانبەران وەرگبرن.
ئەحمەد جاجی ڕەشید گوت ژی، حکومەت دبێژە چو پارە نینن هەتا کو مووچەی دابەش بکەن، ژبەر وێ یەکێ مووچێ فەرمانبەرێن خوە نەشاندیە هەتا مووچێ فەرمانبەرێن هەرێمێ بشینە.
وی ئەندامێ لژنادارای بەحس ل وێ یەکێ ژی کر، حکومەتا عێراقێ دابەشکرنا مووچەی گرێدایە ب پەسەندکرنا یاسایا دەینێن نافخوی ڤە ژبەر وێ یەکێ هەتا ئەو پرۆژە یاسایا حکومەتێ پەسەند نەکەت پێناچیت مووچێ فەرمانبەرێن عێراقێ دابەش بکەت.
هەروەسا بەحس ل وێ یەکێ ژی کریە، ئەو کوژمێ پارەی کو بریارە بو هەرێما کوردستانێ ژی بنهێریت پشتی دابەشکرنا مووچەیێ فەرمانبەرێن عێراقێ هێتە شاندن، ژبەر وێ یەکێ ل ڤان نێزیکا ئەو کوژمێ پارەی ناگەهێت.
No comments:
Post a Comment