پرس بادینی
ئێکەتیا نشتیمانیا کوردستانێ د پەیامەکێ دا ئاماژە ب وێ یەکێ کر "د سالیادا ١٦ی ئۆکتۆبەرێ دا، سەرێ رێز و نەوازشێ بو شەهیدێن قارەمان یێن پارێزگەها کەرکوکێ و ئاخا کوردستانێ د چەمینن".
مەکتەبا سیاسیا ئێکەتیا نشتیمانی د بیرئانینا ١٦ی ئۆکتۆبەرێ دا پەیامەک بەلاڤکر و تێدا دبێژە "د ساڵڤەگەرا ١٦ی ئۆکتۆبەرێ دا، "د سالیادا ١٦ی ئۆکتۆبەرێ دا، سەرێ رێز و نەوازشێ بو شەهیدێن قارەمان یێن پارێزگەها کەرکوکێ و ئاخا کوردستانێ د چەمینن، کو ب گیانێ خوە داستانەکا بلندا بەرەڤانیکرنێ تومارکرن و نەهێلان چەواشەکارێن مێژوویێ، د بزاڤێن ناڤ زراندنا ناڤ و خەبات و رێبازا پیروزدا، خەونێن نەزۆک ببینن".
ئاماژە ب وێ یەکێ ژی کریە، ١٦ی ئۆکتۆبەرێ دەرئەنجامێ زنجیرەکا پێشبینیێن خەلەت و بریارێن نەدارشتی یێن سیاسی و ستراتیژی بوو، کو د رێفراندومێ دا فورمەلە کر و ئەنجامێن وێ کارەسات بون ژ بوی دۆزا رەوایا گەلێ مە، ژ دەستکەفتێن مەیێن گرنگ بو هەرێما کوردستانێ ب داوی هات و دووبەرەکی و ئاژاوە و خوسارەتەکا گشتی یامەزن ل دوف خوە ئانی.
ل بەشێ داویێ ژی گوتیە "ژبەر هندێ ئیروو گوتارێن چەواشەکارێت مێژووی هەر چاوا بن، نەد بەردەوامن و کاریگەریێ ل ورەیا بلندا کەس و کارێن سەربلندێن قوربانیێن ١٦ی ئۆکتۆبەرێ ناکەن، ڕۆژەک دێ هێت مێژوو ئەڤان هەردوو هەلویستێن جیاواز یێن سەرکردێ ریفراندومێ و بەرەڤانیا پێشمەرگێن ئێکەتی ل ئاخا کوردستانێ، ژێک بگریت و دادپەروەرانە بنڤێسیت، ل وی دەمی ڕۆحا شەهیدێن مە دێ ئارام بیت".
ئەڤە د دەمەکێ دایە ل ١٦ی ئۆکتۆبەرا سالا ٢٠١٧ێ و پشتی ریفراندوما سەرخوەبونا کوردستانێ، بگوتنا هێزێن سیاسی بەشەکێ ژ سەرکردایەتیا ئێکەتی ڕێککەفتن دگەل هێزێن عێراقێ کر و ٥١%یا ئاخا کوردستانێ بێ شەر ڕادەستی وان کر.
No comments:
Post a Comment