پرس بادینی
وەزارەتا تەندروستیا هەرێما کوردستانێ د ڕاگەهاندنەکێ دا، ئامارا ٢٤ دەمژمێرێن بووری یێن تایبەت ب توشبونا ڤایرۆسێ کۆرۆنایێ بەلاڤکر و زێدەترین ژمارا توشبونێ دەستنیشانکرنە.
ل گۆڕەی وی ڕاگەهاندنێ هەزار و ٣٠٨ توشبویێن نوی یێن کۆرۆنایێ دەستنیشانکرنە کو زێدەترین ژمارە ل دهوکێ بویە ئەوژی ٤٦٣ توشبوی بونە، ٤٢٤ ل هەولێر، ٣٣٥ ل سلێمانی، ٣٤ گەرمیان و ٥٢ ل حەلەبچە بونە.
وەزارەتا تەندروستی ڕاگەهاندیە ژی ٢٤٦ توشبویێن کۆرۆنایێ چارەسەر بونە کو زێدەترین ژمارەژی ل هەولێرێ بوە ١٦٧ کەس، ١٣ ل سلێمانیێ و ٣٨ کەس ل گەرمیان، سێ کەس ل دهوکێ و ٢٥ ل حەلەبچە بونە.
هەروەسا ١٧ کەس ب سەدەما ڤایرۆسێ کۆرۆنایێ جانێ خوە ژ دەستدانە کو زێدەترین ژمارە ژی ل دهوکێ بوە ئەوژی حەفت کەسن، پێنج کەس ل سلێمانیێ و دوو ل هەولێر و دوو ل گەرمیان و ئێک ژی ل حەلەبچە بوە.
ل گۆڕەی ئامارێن وەزارەتا تەندروستیا هەرێما کوردستانێ هەتا نها، ٥٨٩ هەزار و ٧٠٣ پشکنینێن کۆرۆنایێ ئەنجامدانە و ژ وانا ژی ٦٦هەزار و ١٣١ کەس توشی کۆرۆنایێ بونە.
No comments:
Post a Comment