پرس بادینی
مستەفا کازمی سەرۆک وەزیرێن عێراقێ د گەشتا خوەدا ژبوی ئەوروپا ل لەندەنا پایتەختێ بەریتانیا دگەل بۆریس جۆنسن سەرۆک وەزیرێ بەریتانیا کومبوو.
ل گۆڕەی ڕاگەهاندنەکا نڤیسینگەها سەرۆک وەزیرێن عێراقێ، د کومبونێ دا، کازمی و جۆنسن گوتوبێژ لسەر گرنگیێن هەڤبەش و داوی پێشهاتێن سیاسی و ئەمنی ل عێراقێ و ناوچێ و گەشکرنا پەیوەندیان دناڤبەرا هەردوو وەلاتان دا کرن.
د بەشەکێ دن یێ کومبونێ دا هەردوو ئالی رێککەفتن لسەر هەماهەنگیا زێدەتر دناڤبەرا بەغدا و لەندەنێ دا بو بەرەڤانیکرن ژ تیرورێ، هەروەسا د هەردوو بوارێن سیاسی و ئابووری دا د دەمەکێ دا عێراق ڕووبروویێ ئاڵنگاریێن ئابووری بویە ب سەدەما داکەتنا بهایێ نەفتێ د بازارێن جیهانێ دا ب سەدەما ڤایرۆسێ کۆرۆنایێ.
مستەفا کازمی ب مەرەما ئەنجامدانا زنجیرەکا دیدار و کومبونا، دوهی چوار شەمبی ب سەرەدانەما فەرمی گەهشتە لەندەنا پایتەختێ بەریتانیا.
ڕۆژا ئێک شەمبیا بووری، مستەفا کازمی ب سەرۆکایەتیا شاندەکێ بلند ب مەرەما ئەنجامدانا زنجیرەکا دیداران دگەل مەزنە بەر پرسێن فەڕەنسا، ئەلمانیا، و بەریتانیا بەغدا ب جی هێلا.
No comments:
Post a Comment