پرس بادینی
سەرۆک وەزیرێن بەرێ یێ عێراقێ دڵگرانە لسەر سیاسەتا کابینا مستەفا کازمی دەربارەی مامەلەکرنا بێ بەرامبەر لسەر پرسێن هەلاویستی دگەل هەرێما کوردستانێ، بتایبەتی ژی شەنگاڵ.
حەیدەر عەبادی سەرۆک وەزیرێن بەرێ یێ عێراقێ ژبوی مەدیایێت عێراقێ گوتیە، ڕێککەفتنا شەنگاڵ ب نەروون و خزمەتکرن ناساندیە بو لایەنەکێ دیارکری و ڕاگەهاندیە، ڕێککەفتن پەیوەندیەکا شەفاف و بهێز ئاڤا ناکەت و ئاریشا ناوچێ چارەسەر ناکەت.
لێدوانا عەبادی پەیجێ فەرمیێ هەڤپەیمانیا نەسر بەلاڤبویە و گوتیە "ب ڤان گوتنێن من کەس واتایا وێ یەکێ نەبینیت کو من هەڵویستەکێ توند دەربارەی کوردان هەیە، نەخێر، ئەز دگەل چارەسەریا دەستوری یا دادپەروەرم بو بەرقەرارکرنا پێکڤە ژیانێ و ئاشتی و خوشگوزەرانیێ بو هەموو کەسان.
هەروەسا گوتیە، ئەز نە دوژمنێ کوردا مە، دگەل گەلێ کوردان مە، دگەل خەباتا مێژووی و داخوازیێن وان یێن ڕەوامە، بتنێ من داخواز کریە و ئەرک و برەپرسیاریا دەستوری من ب جی گەهاندیە لسەر پاراستنا ئێکەتیا دەوڵەتێ و سەروەری و جێبەجێکرنا دادپەروەریێ و یەکسانیێ بو هەمو وەلاتیێن دەولەتا من ب تەمامی پێکهاتێن ئاینی و تایفی و نەتەوەی".
No comments:
Post a Comment