پرس بادینی
چاڤکانیەکا ئاگەهدار ل ناووچەیا باڵەکایەتی ژبوی پرس میدیا ڕاگەهاند، ناوچەیا پارتی ل چۆمانێ ماموستایەکێ ئاینی ژ گوتاربێژیێ و پێشنڤێژیێ دورئێخست.
ل گۆڕەی زانیاریێن پرس میدیا ماموستا مەلا فەرمان چۆمانی ژ گوتاربێژیێ و پێش نڤێژیێ مزگەفتا مەلا تاها ل کولانا لیوا دورخست و ئەوژی پشتی وێ یەکێ دهێت د چەند گوتارێن رۆژا ئەینیێ دا بەحس ل خرابیا ڕەوشا کوردستانێ کری.
ل گۆڕەی زانیاریان، ب تەلەفونێ بەرپرسێن پارتی ل چومان ئەو ماموستا ئاگەهدار کربوون، کو دڤێت پێشنڤێژیێ بهێلیت و ئەوی ماموستای ژی ڕەتکردبوو، ژبەر وێ یەکێ ب رێکا ئەوقافا ناوچێ هاتە دورخستن.
بریارا دورخستنا ئەوی ماموستایێ ئاینی کارڤەدان لدەف ماموستایێن ئاینی یێن وی سنوری و کەسایەتی و نیشتەجێیێن وێ کۆلانێ بدوڤ خوە ئانین.
ماموستا مەلا فەرمان کەسایەتیێ ئاینی یێ دیارێ باڵەکایەتی و بەرپرسێ ئێکەتیا زانایێن چۆمان و ئەندامێ لژنا فەتوایی ل سنورێ سۆران و قوتابیێ دکتورایێ ل شەریعا ئیسلامی دا.
No comments:
Post a Comment