پرس بادینی
ڕێڤەبەریا گشتی یا ئاسایشێ د ڕاگەهاندەکێ دا خوەیاکر، غازی ساڵح ئالیخان بەرپرسێ ئاسایشا دەرازینکا سەرزێرێ ب دەستەکێ ڕەش هاتیە تیرورکرن.
ڕێڤەبەریا گشتی یا ئاسایشا هەرێما کوردستانێ ل هەولێرێ ڕاگەهاند، پشتی ڤەکولینێن هویر و هەمولایەنی، بومە دیاربوو کو ژ ئالیێ پەکەکێ ڤە (غازی ساڵح ئالیخان)بەرپرسێ ئاسایشا دەرازینکا سەرزێرێ هاتیە تیرورکرن و بەریا نهاژی ب ڕاستەوخو و نەراستەوخو هەڕەشە لێ هاتبوو کرن.
ئاماژە ب وێ یەکێ ژی کریە، زێدەباری سەرەخوشی و هەڤخەمیا مە بو بنەماڵ و کەسوکارێن شەهید (غازی ساڵح ئالیخان)، بتوندی ئیدانا ئەڤی کارێ تیرورستیێ ترسنوکانە دکەین و ڕادگەهینن کو ئەڤ کارێ تیرورستی بێ بەرسڤ نابیت.
ل داویا ڕاگەهاندنێ ژی داخواز ژ هەڤنشتیمانیان و خولکێ دلسوزێ هەرێما کوردستانێ دکەین کو د ئاستێ ئەڤی کاری تیرورستی دا هەلویست هەبن.
ئەڤە د دەمەکێ دایە ل ئێڤاریا پێنج شەمبی دەمژمێر ٥:٣٠ی ئێڤاری ڕێکەفتی ٢٠٢٠/١٠/٨ (غازی ساڵح ئالیخان) بەرپرسێ ئاسایشا دەرازینکا سەرزێرێ، ل گوندێ بیگداودا، و دناڤا مالا وی دا هاتە تیرورکرن.
No comments:
Post a Comment