پرس بادینی
پشتی زێدەتر ژ ٥٠ ڕۆژان ل دەستەسەرکرنێ، دادگەها دهوکێ بریار دا ماموستا دلشاد گوهەرزی بهێتە ئازاد کرن، هەڤدەم کوژمێ ملیۆنەک و ٥٠٠ هەزار دیناران بهێتە سزا دان.
ڕەمەزان ئەرتیسی سەرپەرشتێ پارێزەرێن خوبەخش ل دهوکێ بو پر میدیا ڕاگەهاند "ئیروو دادگەها ماموستا دلشاد گوهەرزی برێڤەچوو و دادگەهێ بریارا ئازادکرنێ بو دەرکر و دنهادا رێکارێن ئازادکرنێ بو ب رێڤە دچن".
ڕەمەزانی ئەو یەک ژی خوەیاکر، "دادگەهێ بریاردا دگەل ئازادکرنا ماموستا دلشادی ب کوژمێ ملیۆن و ٥٠٠ هەزار دیناران بهێتە سزادان، بەلێ ئەم وەکو پارێزەر ئەوێ بریارێ ب یاسای نزانین و دێ تەمیزکەین".
ئەڤەژی د دەمەکێ دایە، بریاربوو ل سێ شەمبیا دەرباز بوی دادگەهـ ب رێڤە بچە، بەلێ دادگەهێ ب هەجەتا هویربینی و پێداچونا زێدەتر لسەر وی کەیسی بریار دابوو بهێتە پاشخستن.
پشتی زێدەتر ژ ٥٠ ڕۆژان ل دەستەسەرکرنێ، ل سەر کەیسا خراب ب کار ئانینا ئامیرێن ئەلکترونی، ئەڤروو دادگەهێ بریارا ئازادکرنێ بە ماموستا دلشاد گوهەرزی دەرخست.
No comments:
Post a Comment