پرس بادینی
لژنا عێراقێ ژبوی ڤەکولینێ لسەر گەندەلان سەرۆکێ بەرێ یێ دەستەیا وەبەرهێنانێ دەستەسەرکر.
مەدیایێن عێراقێ بەلاڤکرن، ئیرو هێزێن ئەمنی سالار محەمەد ئەمین سەرۆکێ بەرێ یێ دەستەیا وەربەهێنانێ دەستەسەرکر، کو لسەر پشکا پارتی دیموکراتی کوردستان ئەو پوستە وەرگرتبو.
ئاماژە ب وێ یەکێ ژی کرنە، ناڤبری ل باڵافرخانەیا ناڤدەولەتیا بەغدا د دەمەکێ دا دڤیا عێراقێ ب جی بهێلە، دەستەسەرکرنە.
لژنا عێراقێ ژبوی ڤەکولینێ لسەر گەندەلیێ د مەها ئابا ٢٠٢٠ێ دا هاتیە پێکئانین، ئەرکێ وێ لژنێ ڤەکولینە لسەر گەندەلیێن مەزن و تاوانێن نەدروست، ئەڤ لژنەیە ڕاستەڕاست پەیوەندی ب نڤیسینگەها سەرۆک وەزیرێن عێراقێ ڤەیە و نوینەرایەتیا دەزگەهێن هەستیار تێدایە وەکی، دەزگەهێ هەواڵگریێ، ئاسایشا نشتیمانی و فەرمانێن وێ ژی ژ ئالیێ دژە تیرورێ ڤە دهێنە جێبەجکرن.
ئەڤەژی د دەمەکێ دایە کو سەرۆک وەزیرێن عێراقێ لژنە ژبوی ڤەکولینێ لسەر هەمو گەندەلکاران پێکئانیە.
No comments:
Post a Comment