پرس بادینی
ئێحسان عەبدولجەبار وەزیرێ نەفتا عێراقێ، ڕاگەهاند کو وان پێشنیازکریە، کومپانیەکا تایبەت ژبوی رێڤەبرنا کاروبارێ دەرخستن و هەناردەکرنا نەفتا هەرێما کوردستانێ بهێتە دامەزراندن و دبێژە لێکتێگەهشتنەکا باش دەربارەی سیاسەتا نەفتێ دناڤبەرا هەردوو ئالیادا هەیە.
ئێحسان عەبدولجەبار د لێدوانەکێ دا ژبوی ئاژانسا نووچەیێن فەرمی یا عێراقێ گوتیە، "دانوستاندنا دناڤبەرا حکومەتا هەرێما کوردستانێ و حکومەتا فیدرال، بەرەڤ ئاراستەیەکا باش ڤە دچە ژبوی وێ یەکێ هەردوو ئالی د چوارچوڤێ دەستوریدا، چارەسەریەکا گونجای ژبوی هەڤرکیێن دناڤبەرا وان دا دەربارەی بەرهەمئانین و هەناردەکرنا نەفتا هەرێمێ پەیدابکەن".
وەزیرێ نەفتا عێراقێ ڕاگەهاندیەژی کو پێشنیازکریە، کومپانیەکا تایبەت ژبوی رێڤەبرنا کاروبارێ دەرخستن و هەناردەکرنا نەفتا هەرێما کوردستانێ بهێتە دامەزراندن کو ژ ئالیێ هونەری و کارگێری ڤە گرێبدەن ب سەرۆکایەتیا هەرێمی و وەزارەتا نەفتا فیدڕال ڤە.
ئێحسان ئەویەک ژی ئاشکراکر، د دانوستاندنێن ڤێ جارێ دە، دیتن و بوچونێن نوی ژ ئالیێ هەرێمێ ڤە بو رێڤەبرنا کێلگەهێن نەفتی دگەل حکومەتا فیدڕاڵ هەنە و گوتیە "ل گۆڕەی دەستورێ وەزارەتا نەفتێ، سامانێ نەفتێ ل هەرێم یان ئەوان پارێزگەهێن کو تێدا نەفت دهێتە بەرهەم ئانین، برێڤە دبە".
No comments:
Post a Comment