پرس بادینی
پشتی بەلاڤبونا وێنەیەکێ وەزیرێ ساخلەمیا حکەمەتا هەرێما کوردستانێ ل تەکیا شێخ نەهرۆ شیخ محەمەد کەسنەزانی کارڤەدانێن زێدە ل تورێن جڤاکی ل دوف خوەدا ئانینە، کو چو ژ بەژداربویێن وێنەی هەتا وەزیرێ ساخلەمیێ ژی ماسک گرێنەدابوو.
ل گۆڕەی ڕاگەهاندنەکا تورا پاراستنا ساخلەمیا گشتی کو ئەڤرو ئەینی بەلاڤکریە، "چەند رۆژەکان بەریا نها وەزیرێ ساخلەمیێ ل سلێمانیێ سەرەدانا ڕێبەرێ تەریقەتا قادرێ کەسنەزانی کریە "ئەوا جهێ سەرسامبونێ یە وەزیرێ ساخلەمیێ ماسک گرێنەدابوو د وێ دیدارێ دا".
ئاماژە ب وێ یەکێ ژی کریە "ئەوا زێدەتر جهێ سەرسامبونێ یە، هەر چەند رۆژەکان پشتی وێ سەرەدانێ وەزیرێ ساخلەمیێ، ئەوێ تەریقەتێ ب ناڤێ هەلکەفتەکا ئاینی ب هەزاران خەلک ل خوە کومکریە، ئەو کوما مروڤان ژی دبێژن بو وێ هەلکەفتێ کومکربون بێ ماسک و بێ لبەرچاڤگرتنا رێکارو ئامرازێن خوپاراستنێ دهاتنە دیتن".
تورا پاراستنا ساخلەمیێ ل داویێ ژی گوتیە، "ل دەف مەیا سەیرە حکومەت بو سزادانا وەلاتیان زیرەکە بتایبەتی لسەر گرێمەدانا ماسکان، بەلێ چوو پلانێن رێگرتنێ ژ ڤان جورێن ڕەفتاڕان نینە".
No comments:
Post a Comment