پرس بادینی
وەزیرێ دارای یا عێراقێ ڕاگەهاند، حکومەتا هەرێمێ دەیندارا ئەوان کومپانیێن نەفتێ یە ئەوێن کار ب بازارکرنا نەفتا هەرێمێ کری و د چاڤپێکەفتنەکا مەدیایدا شەڤا دەربازبوی ١٠ی تشرینا ئێکێ عەلی عەلاوی، وەزیرێ دارای یا عێراقێ ڕاگەهاند "داکەتنا بهایێ نەفتێ هەڤرکیێن دناڤبەرا عێراق و هەرێمێ دا دژوارکرنە، شاندنا پشکا هەرێمێ ژی د بوودجەی دا گڕێدای رێژا نیشتەجێ یانە".
د بەشەکێ دن یێ گوتنێن خوەدا وەزیرێ دارایێ عێراقێ ئاماژە ب وێ یەکێ کر "هەرێما کوردستانێ ٢٥%ێیا داهاتی ددەتە کۆمپانیێن ڤەگوهاستنا نەفتێ و کریێ، هەروەسا حکومەتا هەرێمێ ژی دەیندارا ئەوان کۆمپانیایە ئەوێن کار ب بازارکرنا نەفتێ دکەن".
وەزیرێ عێراقێ دەربارەی ئارشەیێن دارای یێن عێراقێ گوت، "بوودجەیێ تەرخانکری ژبوی پێدانا مووچەیێ فەرمانبەرێن مە ژ ٤٠ ترلیۆن دینارێن ساڵانە بلندبوە بوو ٦٥ ترلیۆن دیناران".
عەلاوی ئەو یەک ژی ئاشکرت کریە، "عێراق ٥٠ ملیار دۆلاران دەیندارە، د حکومەتا پێشتر دا و مە بتنێ یەک ترلیۆن دینار وەرگرتیە، ژبەر وێ یەکێ مە داخوازکریە سەقفێ دەینێن مە بو مە بلند بکەن.
No comments:
Post a Comment