پرس بادینی
گوتەبێژێ وەزارەتا ئەوقافێ ڕاگەهاند، ژ ئیروو پێڤە شێوازێ دروستکرنا مزگەفتان دێ هێتە گهورین و دێ ب شێوازێ کوردەواری هێنە دروستکرن و چەند ڕێنمایەک ژی ژبوی ئەوان کەسا هەنە ئەوێن مزگەفتا دروست دکەن.
نەبەز ئیسماعیل، گوتەبێژێ وەزارەتا ئەوقاف و کاروبارێن ئاینی حکومەتا هەرێما کوردستانێ ژبوی مالپەرێن نووچەی ڕاگەهاند، "وەزارەتا ئەوقافێ بانگەوازیەک کریە ژبوی هەمو دیزاینەرێت هەرێما کوردستانێ بو وێ یەکێ ژ ئیروو پێڤە دیزاینێ مزگەفتان ب شێوازەکێ کوردەواری دروست بکەن، ٣٠ کۆمپانیا بەژداری کریە، ژواناژی سێ کومپانیێن دیارکری و ئەو دێ بریارێ لسەر دیزاینێ مزگەفتان دەن".
ڕاگەهاندیە ژی "پێتڤیە ئەو مزگەفتە مۆرکا کوردەواری پێڤەبیت، کو قوبا وێ لسەر شێوەزارێ کولاڤ و جەمەدانی یێن کوردی بیت و دووربیت ژ شێوازێ وەلاتان، ب وێ پێنگاڤێ ژی سیمایێ مزگەفتێن کوردی دیار دبیت".
ئاماژە ب وێ یەکێ ژی کر "ئەوێ دڤێت مزگەفتێ دروست بکەت پێتڤیە ل دیف ڕێنمایان بیت و زەڤی یا باژێرڤانیێ بیت و دناڤبەرا مزگەفتاندا مەسافەکا زێدە هەبیت، هەڤدەم دڤێت پارێ کاش هەبیت و نابیت کومبکەت".
ئەڤە د دەمەکێ دایە، ل هەرێما کوردستانێ پێنج هەزار و ٥٦٠ مزگەفت هەنە و د سێ هەزار و ١٧٤ مزگەفتاندا ژی گوتارا ئەینی تێ خواندن.
No comments:
Post a Comment