پرس بادینی
پشتی وەغەراداویا بابێ وان دگەل دەیکا خوەیا ب تەمەن سالەکە ژ موسل چونە کەرکوکێ، و دگەل خاڵێ خو دژیان.
حامد جەمیل چیاد تەمەنێ وی ١٠ ساڵە و عەبدولرەحمان برایێ وی تەمەنێ وی ١١ ساڵە، ل کولانا نیدا ل کەرکوکێ نیشتەجێنە و ل بازارێ دومیز ب عەرەبانەیەکا دەستی کەلوپەلان ڤەدگوهێزن.
فروشیارەک ل بازارێ دومیز کو ئاگەهدارق ڕەوشا وان هەردوو زاروکانە و نەخواست ناڤێ وی وەرە ئەشکەرەکرن بو هندێ کو خاڵێ وان زارۆکان ئاریشا بو وی چێنەکەت، گوت، ساڵەکە ئەو هەردوو زارۆکە چوینە ئەوی بازاری، ل وێرێ ب هەڤکاریا بەشەک ژ فروشیاران عەرەبانەیەک بو وان هاتیە کرین داکو کار پێ بکەن.
ئەوان زارۆکا ڕەوشا خوە ژ بوی خودان کار و فروشیارێن وی بازاری بەحس کریە، کو خاڵێ وان بەردەوام وانا دقوتیت، ئەوان ژی هەڤکاریا وان کریە بەلێ خالێ وان بەلاخو ژ وان ڤەناکەت، "دنهادا ئەگەر پارەکێ کێم پەیدا بکەن، وانا دقوتیت".
ئەڤرو پشتی ئەو هەردوو زارۆکە چوینە سەر کاری و ب سەدەما وێ یەکێ ڕۆژا ئەینی بوو پارەیەکێ کێم کار کرنە، پشتی ڤەگەریایێن ماڵ خاڵێ وان ب شیشکەکا کەبابێ حامد داخکریە و ب سوندێ قوتایە و ملەکێ ویێ شکاندی، عەبدولرەحمان ژی دایە فەر کێرا".
پشتی قوتانێ خاڵێ وان وانا دبەتە بازاری و دەما کرێکار ڕەوشا ڤان زارۆکا دبینن پولیسێن هەوارهاتنێ ئاگەهدار دکەن، پولیس ژی دگەهنە جهێ بویەرێ و حامدی بەرەڤ نەخوشخانا ئازادی دبەن.
چاڤکانیەکا ئاگەهدار ژ پولیسان ژی نەڤیا ناڤێ وی بهێتە خوەیاکرن گوت"حامد" ژ ئالیێ خاڵێ وی ڤە هاتیە قوتان و پتشی گەهاندنا وی بو نەخوشخانێ پەرێن ڤەکولینێ بو تومەتباری هاتنە ڤەکرن".
No comments:
Post a Comment