پرس بادینی
د هێرشەکا چەکدارێن داعشێ دا بو سەر خاڵەکا پۆلیسێن فیدڕاڵا عێراقی، دوو پۆلیس هاتن کوشتن و پێنجێن دن ژی بریندار بوون.
سەعد حەربیە، فەرماندارێ ئوپەراسیونێن هەڤبەش ل کەرکوکێ ڕاگەهاند، چەکدارێن داعش ئیرش کریە سەر خاڵەکا چاڤدێرییا سەر ب هێزێن پولیسێن فیدڕاڵی ل باشورێ کەرکوکێ.
سەعەد حەربیە ئاماژە ب وێ یەکێ ژی کریە، د وێ ئیرشێ دا چەکێ سڤک و توماتێک هاتیە بکارئانین، و دوو پۆلیس هاتنە کوشتن و پێنجێن دن ژی برینداربونە.
وی فەماندارێ کەرکوکێ ئەو یەک ژی خوەیاکریە، پشتی ئیرشێ هێزێن ئەمنی شاندنە گوندێ نگارێ سەر ب باژارۆکێ حەویجە و دەوروبەرێن ناوچێ و ئۆپەراسیونێ دەستپێکریە.
داعشێ د حوزیەیرانا ٢٠١٤ێ دا، بتەمامی پارێزگەهێن نەینەوا، سەلاحەدین و ئەنبار دگەل بەشەکێ پارێزگەها دیالە و کەرکوکێ داگیرکرنە، پاشان پشتی چەند سالەکان ژ دەستێ وێ رێکخراوا تیروری هاتینە ڕزگارکرن.
سەرۆک وەزیرێن بەرێ یێ عێراقێ، حەیدەر عەبادی ل نەهی کانونا دووێ ٢٠١٧ێ سەرکەفتن ب سەر ئەوێ رێکخراوێ دا ڕاگەهاند.
زێدەباری وێ یەکێ کو هێزێن عێراقی داعش ل وان ناوچا تێکشکاند و ئەو پارێزگەهە ژێ رزگارکرن، بەلێ شانەیێن نڤستی یێن وێ رێکخراوێ هەتا نهاژی بەردەوامن لسەر ئێرشان، بتایبەتی ل ناوچەیێن سەر ب پارێزگەهێن نەینەوا، کەرکوک، دیالە، سەلاحەدین و ئەنبار.
No comments:
Post a Comment