پرس بادینی
گوتەبێژێ حکومەتا عێراقێ، ڕاگەهاند ئەو کەسێن ب کوشتنا شروڤەکارێ بوارێ ئەمنی، هیشام هاشمی تومەتبارن ژ ئالیێ هندەک ئالیان ڤە ب قاچاخی برنە دەرڤەی وەلاتی.
ئەحمەد مەلا تەڵاڵ، گوتەبێژێ حکومەتا عێراقێ د چاڤپێکەفتنەکێ دە دگەل کەناڵێ نیمچە فەرمیێ عێراقیە گوت "هێزێت ئەمنی د ڤەکولینیێ دا ل ئێک ژ ناوچەیێن بەغدا، دەست بسەر دوو ماتورسکلاندا گرتیە کو ل سەر تیرورکرنا هیشام هاشمی دا هاتنە بکار ئانین".
گوتیەژی "دوو بکوژێ هیشام هاشمی ژ ئالیێ هێزێن ئەمنی ڤە هاتنە ناسکری و مستەفا کازمی سوزا دەستەسەرکرنا ئەوی تاوانبارێ ڕەڤی بو دەرڤەی وەلاتی دایە و سوزدایە بگەهیتە سزایێ خو".
ل شەشی تەموزا بوری دا، شروڤەکارێ بوارێ ئەمنی، هیشام هاشمی ل بەردەرگەهێ مالا خو ل ناوچەیا زەیونە ل ناڤەراستا باژارێ بەغدا ژ ئالیێ ژمارەیەک چەکدارێن نەناسکری ڤە هاتە تیرورکرن و بویەر ژی لسەر ئاستێ نافخویا عێراق و ناڤدەولەتی ڤە ب توندی هاتە شەرمزارکرن.
No comments:
Post a Comment