ئەرێ خەلک دکاریت خۆپێشاندانان ب ئونلاین بکەت؟ - پرس بادینی

إعلان فوق المشاركات

ئەرێ خەلک دکاریت خۆپێشاندانان ب ئونلاین بکەت؟

ئەرێ خەلک دکاریت خۆپێشاندانان ب ئونلاین بکەت؟

 

میر نێروەی

پشتی هەرێما کوردستانێ توشی کریزێن سیاسی و ئابوری بووی، رەوشا وەلاتیێن هەرێمێ راستی رەوشەکا خراب بوویە و دەمەکێ درێژە گەهشتیە وی ئاستی، کو چارێك مووچە و نیڤ مووچە و پاشکەفت و کێمکرنێن رێژەی مینا ۲۱ ژ سەدێ،  ب هەمان ئاوا باجێن مینا ئاڤ، کارەب، گلێش، فەرزکرنا مامەلێن رەگەزنامان لسەر وەلاتیان زێدەکرن، هەردەما وەلاتیان بەحسا خونیشاندانەکێ ژی دکر، رێک پێ نەدهاتەدان و ب تێکدەڕ د هەژمارتن و هەژمارەکا زێدە ژ وان ب مادێن یاسایێ یێن نەرەوا هاتنە سوچدارکڕن و زیندانکرن. و هەردەما بەحسا خونیشاندانان بهێت کرن، باژار مینا سەربازگەهان خۆیا دبن، وەکی نها دەرباز دبیت ئەڤ رێیا مەدەنی ژی هاتە قەدەغەکرن.


پشتی خونیشاندانێن مەدەنی هاتینە قەدەغەکرن، پێدڤیە مووچەخورێن هەرێما کوردستانێ رێکەکا نوو ڤەببینن بۆ داخوازکرنا مافێن خۆ، پشتی بابەتێن سوشیاڵ میدیایێ بووینە جهێ باندوریێ د ناڤ جڤاکی دا و هەمی جڤاک پێڤە هاتیەگرێدان، نها پێدڤیا مە ب خونیشاندانێن ئۆنلاین هەیە.


ئەرێ چاوا خونیشاندان دێ ب ئونلاین دهێنەکرن؟


خویایە مەرەم ب خۆنیشاندانان، مەرەم پێ ئەوە کو خۆ و گازندێن خۆ نیشانی حکومەتێ بدەین، لێ پشتی لسەر جادێ هاتینە قەدەغەکرن، پێدڤیە هەمی مووچە خورێن هەرێمێ ددەما داخوازکرنا مافێن خودا، سەعەت سفر بدانن و هەر یەک درووشمەکێ لسەر کاغەزەکێ بنڤیسیت و وێنەیەکێ خۆ و درووشمێ خۆ بگریت و بەلاڤ بکەت. بۆ نمونە، ئەگەر دەمژمێر ٨ شەڤ ب سعەت سفر بهێتە دانین، و هەر یەک د مالا خۆ دا، وێنەکێ دگەل درووشمێ خو یێ نڤیسی بگریت و فەیسبوکێ خۆ دا بەلاڤ بکەت، بڤی ئاوایی نە پێدڤی رازیبوونا پارێزگەهێینە بۆ خونیشاندانێ و نە هێزێن ئەولەهیێ دشێن رێگریێ بکەن و نە کەس دکاریت وە ب تێکدەر ل قەلەم بدەت و دێ بینە گڤاشتنەکا نەراستەوخۆ لسەر حکومەتێ. حکومەت دێ هەست ب وێ یەکێ کەت کو هێزەکا زوور یا بەرهەڤ یا هەی هەردەما بهێتە د جادێ دا دێ مەترسی یە لسەر حکومەتێ هەبیت، حکومەت نکاریت د مالا تە دا رێگریێ ل تە بکەت و خەلک هەمی دێ بڤی کاری رابیت نکاریت کونترول بکەت و نکاریت کەسێ سوجدار بکەت، ژبەرکو هەمی خەلکە، وی دەمی حکومەت دێ نەچار بیت پشکەک ژ داخوازیێن وەلاتیان جێبجێکەت.


ئەڤ قوناغە ب ئاوایەکێ دەمکێ دێ هێتە بکارئینان، دیڤدا ڤایروسێ کورونایێ کاریگەری نامینیت و رەوشا ئابوری دێ چیتە د قوناغەکا دی دا، و خەلک دێ زێدەتر هشیار بیت، و ئەو بێدەنگیا نها هەی نامینیت و خەلک داخوازا مافێ خۆ کەت، و داخوازا مافان ژی ژ جڤاکێن هوشیارە، ژبەر وێ یەکێ دکارم بێژم ئەگەر ئەمریکا ژی بزانیت تاکێ ئەمریکی دێ ب نیڤ مووچەی یێ بێدەنگ بیت، دێ نیڤ مووچەی پێدەن.


No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©