پرس بادینی
نێزیک دەمژمێر دووی پشتی نیڤرویا ئەڤرۆ ل سەر رێکا دهوک بو زاخو نێزک تونێلا گەلی، ترومبێلەک ژ بن کونترولا شوفیری دەکەت و ب وێ سەدەمێ سێ کەسان جانێ خوە ژ دەستدا.
پەیامنێرێ پرس میدیا ل زاخو ڕاگەهاند، نێزیک دەمژمێر دووی پشتی نیڤرویا ئەڤرۆ لسەر رێکا سەرەکی یا دهوک بو زاخو نێزیک گوندێ ئاسهێ و تونێلا گەلی ترومبێلەک ژ بن کونترۆلا شوفێری دەکەتیە و د ئەنجامدا زیانێن گیانی و مادی هەبوینە.
خوەیا ژی کر، ترومبێل ژ جورێ تویتا کامری یە، پشتی ژ بن کونتروڵا شوفیری دەرکەتی خوە ل ستونەکا جادێ دایە و بویە ئەگەرێ ئاگر بەربونێ و ترومبێل ب تەمامی شەوتیە و سێ کەس دناڤا وێ ترومبێلێ دا بون ئەو ژی ب تەمامی شەوتین و جانێ خوە ژ دەستدان.
پشتی بویەرێ تیمێن هەوار هاتنێ گەهشتنە جهێ بویەرێ و ئاگر کونترولکرنە، و ئەوکەسێن جانێ خوە ژ دەستدای ژی بەرەڤ پزیشکا دادڤە برنە.
No comments:
Post a Comment