پرس بادینی
بەشەک ژ ئاوارەیێن شەنگاڵێ ل سنورێ قەزا زاخو خوپێشاندانەک ئەنجامدا و تێدا داخوازا جێبەجێکرنا رێککەفتنا دناڤبەرا هەرێم عێراقێ دا کرن کو گرێدای ڕەوشا شەنگاڵێ یە، ڕاگەهاندنە ژی هەتا ئەو ئاسایش و خزمەتگوزاریێن شەنگاڵێ پشت راست نەبن ئەو ڤەناگەرن.
پشتی ئاوارەبونا خەلکێ شەنگاڵێ ب سەدەما پەلامارا داعشێ بو سەر وێ ناوچێ ل سالا ٢٠١٤ێ، خەلکێ ئەوێ ناوچەیێ بونە دوو بەش، بەشەک ژ وانا ڤەگەریانە شەنگاڵ و ئەو ئیدارا خوەسەر پەسەندە ل ژ ئالیێ وان ڤە و بەشەک ژی د کەمپاندا مانە و دبێژن ڕەوشا شەنگاڵێ ژ ئالیێ ئاسایشێ و خزمەتگوزاریان ڤە نەیا گونجای یە بو ڤەگەریانێ و ژیان کرنێ ل وێ ناوچێ.
ئەڤرۆ ٢٠٢٠/١١/٨ بەشەک ژ ئاوارەیێن شەنگاڵێ کو نیشتەجێیێ کەمپێن زاخونە، خوپێشاندانەک ئەنجامدان و تێدا داخوازا جێبەجێکرنا رێککەفتنا دناڤبەرا هەرێم و بەغدایێ و ڤەگەریانا پێشمەرگەی بو شەنگاڵێ کرن.
بایەزید شەنگاڵی، ئێک ژ بەژداربوێن خوپێشاندانێ بو پرس میدیا ڕاگەهاند "مە دڤێت وەختا ئەم ڤەدگەرینە شەنگاڵێ ژ روویێ ئەمنی ڤە یا پاراستی بیت، و خزمەتگوزاری ل باژاران هەبن بو وێ یەکێ کو ئەم بکارن لێ بژین".
بایەزید گو ژی "نها د دەستێ میلیشیاتان دایە، ئەم هەست ب ئیمناهی و ئەمانەتێ ناکەین ڤەگەرین، داخوازا مە ئەو رێک ب پێشمەرگەی بهێتە دان ڤەگەریتە شەنگاڵ ل وی دەمی ئەم ژی دێ ڤەگەرینە ڤە".
ل شەنگاڵێ زێدەتری حەف جورێن هێزێن چەکداری هەنە، ب هێزترینا وان یەبەشە و حەشدا شەعبی ینە، د دەما بوریدا تورکیا چەند جاران سنەرێ وێ ناوچێ بۆڕدۆمانکر، سەدەما وێ ژی ڤەدگەراند بو وێ یەکێ کو یەبەشە سەر ب پەکەکێ ڤەیە و مەترسیە بو سنەرێ تورکیا.
No comments:
Post a Comment