پرس بادینی
ڕایەدارێ ئاسایشا نەتەوەی ل ئەمریکا د کونگرەیەکێ رۆژنانەڤانێ دا ل کوچکا سپی ڕاگەهاند، هیڤیدارین هەتا مەها ئایارێ هەمو سەربازێن مە ل عێراق و ئەڤغانستانێ ڤەکشنەڤە.
ڕۆبێرت ئۆبراین ڕایەدارێ ئاسایشا نەتەوەیا ئەمریکا گوت، دۆناڵد ترەمپ سەرۆکێ ئەمریکا چوار ساڵا بەریا نها و ل دەما هاتنا وی بو سەر دەستهەلاتێ سوزدابویە ئالیگرێن خوە بو ژبوی داوی ئانین ب شەرێ بێ داوی سەربازێن وەلاتێ خوە ل عێراق، سوریا و ئەفغانستانێ ڤەکشینیتە ڤە.
ڕایەدارێ ئاسایشا نەتەوەی ئەو یەکژی بەحسکر کو پنتاگۆن ڕاگەهاندبوو، ژمارا سەربازێن ئەمریکی ل عێراق و ئەفغانستانێ هەتا ١٥ی کانونا دووێ بو دوو هەزار و ٥٠٠ سەربازان دێ کێم کەتن.
ڕۆبێرت ئۆبراین گوت ژی، "ئەو سەربازێن ل عێراق و ئەفغانستانێ دمینن دێ باڵیۆزخانە و فەرمانگەهێن دن یێن ئەمریکا ل وان هەردوو وەلاتان پارێزن، سەرۆک ترەمپ هیڤیدارە هەتا مەها ئایارێ هەمو سەرباز ب سەلامەتی ڤەگەرنە ئەمریکا".
No comments:
Post a Comment