پرس بادینی
ئەڤرۆ شاندەکێ بلندێ ئێکەتی و گۆڕان ل باژارێ سلێمانیێ جڤیان، و پشتی جڤینێ ڕاگەهاندنەکا هەڤبەش بەلاڤکرن، و داخوازکرن بلەز شاندێ حکومەتا هەرێمێ ژبوی چارەسەریا ئاریشا مووچەخۆران سەرەدانا بەغدایێ بکەت.
ل گۆڕەی ڕاگەهاندنێ تەوەرێ سەرەکیێ جڤینێ گوتوبێژبون لسەر داوی گوهەرێن و پێشهاتێن سیاسی و ئابووری یێن هەرێما کوردستان و عێراقێ.
هەروەسا هاتیە ژی، تایبەت بەحس ل "ڕەوشا ژیارا" وەلاتیان و مووچەخورێن هەرێما کوردستانێ کریە کو ئەو ب ئەنجامێ قەیرانێن دارای و بەلاڤبونا ڤایرۆسێ کۆرۆنایێ بناڤ دکەن.
د خالەکا دن یا وێ ڕاگەهاندنێ دا ئاماژە ب وێ یەکێ کریە، کو ئەو پێشوازیێ ل بەرەڤ پێشڤەچونا سیستەمێ لامەرکەزیێ کارگێری و دارای دکەن، هەروەکی دکارناما نەهێ یا حکومەتا هەرێمێ دا هاتی.
ل داویێ د ڕاگەهاندنا خۆ دا ئێکەتی و گۆڕان بەحسا وێ یەکێ ژی کرنە، زەمینە بهێتە خوشکرن ژبوی جڤینێن ئالیێن سیاسی ل کوردستانێ و گەشکرنا پەیوەندیان ب مەرەما چارەسەرکرنا ئەوان ئاریشەیێن رووبروویێ واقعێ هەرێم و عێراقێ دبن.
No comments:
Post a Comment