پرس بادینی
کوتلەیا شیعی گەلەک توند بوە، دگوتن (دووساڵە بێ شاندنا ئێک بەرمیلا نەفتێ پارە تێ شاندن و نیەتەکا باش نیشان ددەین ئێدی بێ نەفت پارە نینە، و گوتینە هەلبژارتن ل پێشە و خەلکێ مە قەبیل ناکەت).
ئەحمەد حاجی ڕەشید و هوشیار عەبدولا ئەندامێن جڤاتا نوینەرێن عێراقێ ڕاگەهاندن "تومارا لژنا دارای هەنە، ئەوا وان پێچێبوی لسەر بەرەڤانیکرنێ و شەر لسەر ٣٢٠ ملیاران کریە، کوتلەیا شیعەیان ئێکجار توندبون، دگوتن (دووساڵە بێ شاندنا ئێک بەرمیلا نەفتێ پارە تێ شاندن و نیەتەکا باش نیشان ددەین ئێدی بێ نەفت پارە نینە، و گوتینە هەلبژارتن ل پێشە و خەلکێ مە قەبیل ناکەت).
تەکەز ل وێ یەکێ ژی کرنە، لسەر یاسایا کورتئانینا دارایا عێراقێ پشکا هەرێمێ نەهاتیە برین، بەلکو هەرێم گرێدایە ب شاندنا نەفت و داهاتی ڤە، ل گۆڕەی یاسایێ هەرێم دشێت دگەل سۆمۆ بگەهیتە رێککەفتنێ کا چەند نەفتێ بشینە.
گوتیە ژی، دوهی خاڵد شوانی ب نوینەراتیا حکومەتا هەرێمێ هاتە لژنا دارای، گوتنێن وی هەمو هاتنە تومارکرن، دەقێ نامەیەکا حکومەتا هەرێمێ خواندیە، کو ل ١٨ی ئۆکتۆبەرا ٢٠٢٠ێ شاندنە بو حکومەتا عێراقێ و دبێژن دێ ئیلتیزامێ لسەر ناڤەرۆکا رێککەفتنێ کەین، نەفتێ بشینن ژ ٣٢٠ ملیاران زێدەتر دگەهیتە هەرێمێ.
خوەیاژی کریە، ئەگەر هەرێم بلەز شاندەکێ بشینە بەغدا و دگەل سەرۆک وەزیران و وەزیرێ دارای بکەڤنە گوتوبێژان و پابەندبن لسەر ناڤەرۆکا یاسایا دەینان، دشێن ل شوینا ٣٢٠ ملیاران زێدەتر ب دەستڤە بینن، هەر دڤێت چارەسەریەک بو مەلەفێ ئاڵوزێ نەفتا هەرێمێ دگەل بەغدا پەیدابکەن، و نها دەما وێ یەکێ یە ئەوێ پێنگاڤێ ب هاڤێژین.
No comments:
Post a Comment