پرس بادینی
بریارە سبەی تەرمێ فەرسەت سوفی پارێزگارێ هەولێرێ ڤەگەریتە هەرێما کوردستانێ و د مەراسیمەکێ دا بهێتە ڤەشارتن.
جوتیار عادل گوتەبێژێ حکومەتا هەرێما کوردستانێ ڕاگەهاند، سبە پێنج شەمبی ١٩ی تشرینا دووێ ٢٠٢٠ێ تەرمێ د.فەرسەت سوفی لسەر داخوازا خێزانا وی ل باژارێ هەولێرێ بهێتە ڤەشارتن.
سحاریا ئەڤرۆ د.فەرسەت سوفی پارێزگارێ هەولێرێ ل نەخوشخانەیەکا وەلاتی تورکیا پشتی ١٥ ڕۆژێن مان دبن چاڤدێریا چڕ دا ب ڤایرۆسێ کۆرۆنایێ جانێ خوە ژ دەستدا.
ناڤێ تەمام، فەرسەت سوفی عەلی
٢١ی ئایارا ١٩٧٨ل گوندێ گەزنە سەر ب قەزا چومان ڤە ژ دایک ببو.
دکتورای د یاسایا ناڤدەولەتی دا هەبو
بو دەمەکێ ل زانکویا سەلاحەدین و زانکویا پولیتەکنیکی یا هەولێرێ ماموستایێ زانکویێ بوو
خوڵا چوارێ یا پەڕلەمانێ کوردستانێ لسەر فراکسیونا پارتی دیموکراتی کوردستان ئەندامێ پەڕلەمانی بوو.
ئێکەم ئەندامێ پەڕلەمانێ کوردستانێ بو کو مووچەیێ خانەنشینیێ ڕەتکری و ڤەگەریای سەر کارێ خوەیێ پێشتر
١٢ی ئەیلولا ٢٠١٩ێ و هەتا ئەڤرێ وەغەر ژی کری پارێزگارێ باژارێ هەولێرێ بوو.
سحاریا ئەڤرۆ چوار شەمبی ١٨ی تشرینا دووێ ٢٠٢٠ێ ل نەخوشخانەیەکا وەلاتێ تورکیا ب سەدەما ڤایرۆسێ کۆرۆنایێ جانێ خوە ژ دەستدا.
No comments:
Post a Comment