پرس بادینی
سەرکەت شەمسەدین و غالب محەمەد ئاماژە ب وێ یەکێ کر "پرسا نەفتێ و رێکەفتنێ بناڤێ "پێنجی سالی" ئێکە ژ مەترسیێن سەرەکی لسەر ئایندەیا هەرێما کوردستانێ و پرسا مووچە خوران، ژبەر وێ یەکێ دڤێت چارەسەریا دایێ ژبوی ئەڤێ پرسێ بهێتە کرن".
ئەوان هەردوو پەڕلەمانتاران ئاماژە ب وێ یەکێ ژی کر، ب سەدەما ئەوێ یەکێ د دەما بوریدا مەسرور بارزانی نەیێ ئامادەبو زانیاریێن دروست بو پەڕلەمانی خوەیا بکەت دەربارەی مەلەفێ نەفتێ و پرسا مووچەی، ڕوڵێ پەڕلەمانێ کوردستانێ داوی پێ ئانیە، ژبەر وێ یەکێ دەست ب کومکرنا ئیمزایان هاتیە کرن، ژبوی گازیکرنا سەرۆکێ حکومەتا هەرێما کوردستانێ و وەزیرێ نەفتا عێراقێ ژبوی بەرسڤدانا پرسیارێن پەڕلەمانتاران لسەر رێککەفتنا "پێنجی سالی" دگەل تورکیا و ئایندەیێ مەلەفێ نەفتا دناڤبەرا هەرێم و بەغدایێ دا.
ئەوان هەردوو پەڕلەمانتاران گوتیە ژی، ئەڤ پێنگاڤە یاسای و دەستوری نە هەتا ب رێکا بەغدا بشێن پرسێن گرنگ یێن نەفتێ و مووچەی بەرەڤ چارەسەریێ ڤە بچیت.
د وێ دەربارێ دا عەلی تەمیمی، شارەزا و یاساناسێ عێراقێ د بوارێ دەستوریدا ڕاگەهاندیە "پەڕلەمانێ عێراقێ نەشێت پرساندن و لێپێچینێ دگەل سەرۆک وەزیرێن هەرێما کوردستانێ بکەتن، چونکە هەرێمێ پەڕلەمان و یاسایا خوە هەیە و دەستوری رێک پێدایە، ئەڤ پێنگاڤەژی دڤێت ل پەڕلەمانێ هەرێما کوردستانێ بهێتە ئەنجامدان".
گوتیە ژی "ل گۆڕەی ماددێ (٦١)یێ دەستورێ عێراقێ، پەڕلەمانێ عێراقێ مافێ چاڤدێریکرنێ لسەر حکومەتا ناڤەندی و دەستهەلاتا ئەوێ هەرێمێ هەیە کو پەڕلەمان تێدا نینە، بەلێ هەرێما کوردستانێ پەڕلەمانێ خو هەیە و سەرۆک وەزیران ژی ل ڕێکا ئەوی پەڕلەنانی هاتیە هەلبژارتن ئەو پەڕلەمانەژی دشێت لێپرسینێ دگەلدا بکەت".
No comments:
Post a Comment