پرس بادینی
پشتی دەمەکێ ژ ئاڵوزیان دناڤبەرا وان دا پارتی و ئێکەتی پشتی جڤینێ ڕاگەهاندنەکا هەڤبەش بەلاڤکر و تێدا تەکەز لسەر ڕەوشا سیاسی بگشتی و ڕەوشا عێراقێ و هەرێما کوردستانێ ب تایبەتی کریە.
د ڕاگەهاندنا جڤینا هەڤبەشا پارتی دیموکراتی کوردستان و ئێکەتیا نشتیمانی کوردستان دا هاتیە "تیشک خستیە سەر ڕەوشا سیاسی ب گشتی و ڕەوشا عێراقێ و هەرێما کوردستانێ و ئەوان ئاریشەیێن بەرسینگێ خەلکێ هەرێما کوردستانێ گرتی، بتایبەتی ژ روویێ ئابووری و دارای ڤە کو بسەدەما لێکەفتنا بەلاڤبونا ڤایرۆسێ کۆرۆنایێ".
جڤین " بسەر پەرشتیا نێجیرڤان بارزانی سەرۆکێ هەرێما کوردستانێ و ب ئامادەبونا باڤڵ تاڵەبانی، هەڤسەرۆکێ ئێکەتیا نشتیمانیا کوردستانێ ب رێڤە چوو".
ئاماژە ب وێ یەکێ ژی کریە "شاندێ هەردوو ئالیا گوتوبێژێن ڕاستگویانە و بەر پرسیارانە لسەر هەمو پرسان کریە و دووپاتا بەرپرسیارەتیا هەڤبەش بەرامبەر پروسا سیاسی و حکومرانیێ ل هەرێما کوردستانێ کریە".
"هەردوو ئالی ئێک بون کو پێتڤیە پێکڤە دگەل ئالیێن دن یێن هەرێما کوردستانێ پێنگاڤێن جدی و کرداری بهاڤێژن بو چارەسەرکرنا ئاریشەیێن دناڤبەرا وان دا و هەمو شیانێن خوە بکاربینن بو ڕووبڕووبونا ئەڤێ ڕەوشێ و پشتەڤانیا دامەزراوەیێن هەرێما کوردستانێ بو خزمەتکرنا وەلاتیان".
هەر ل گۆڕەی ڕاگەهاندنێ "هەڵسەنگاندن ژبوی جێبەجێکرنا ڕێککەفتنا سیاسی و ئیداری دناڤبەرا هەردوو ئالیادا کر، دناڤا وان دا ژی بابەتێ لامەرکەزیەتێ ل هەرێما کوردستانێ، هەردوو ئالیا پابەندیا خوە دووپاترکریە لسەر رێککەفتنا سیاسی دناڤبەرا وان دا و بەرنامێ کاری یێ کابینەیا نەهێ یا حکومەتا هەرێما کوردستانێ ژبوی بەرجەستەکرنا لامەرکەزیەت ل هەرێمێ و شورکرنا دەستهەلاتان و ڕاکرنا دەستهەلاتا هەڤبەش و نەهێلانا ڕۆتینێ دکارێ وەلاتیان دا و پێشکێشکرنا پرۆژەیان و خزمەنگوزاریێن گشتی، د ڤی رووی دا پێنگاڤ ب ئەرێنی هەژمارتن و دووپاتا بەردەوامیا کارێ هەڤبەش بو جێبەجێکرنا تەمام یا ڕێککەفتنێ کریە و بریار لسەر میکانزمەکێ گونجای د وێ دەربارێ دا دایە.
No comments:
Post a Comment