پرس بادینی
ژمارەیەک ژ ئەندامێن جڤاتا نوینەرێن عێراقۆ کارڤەدان ل بەرامبەر بریارەکا ئیماراتێ ژبوی ڕاگرتنا ڤیزێ ب وەلاتیێن عێراقێ نیشاندان و داخوازکرن حکومەت رێکارێن وەکی یێن ئیماراتێ بەرامبەر وی وەلاتی بگرنە بەر.
مەنسور بایجی پەڕلەمانتارێ فڕاکسیونا دەولەتا یاسای د ڕاگەهاندنەکێ دا دبێژە "ڕاوەستاندنا پێدانا ڤیزێ ب وەلاتیێن عێراقێ ژ ئالیێ ئیماراتێ ڤە، ب ئامانجگرتنا عێراق و عێراقیانە، چ سەدەم نینن ئیمارات بریارەکا ب وی ڕەنگی بدەت".
مەنسور بایجی داخواز کریە حکومەتا عێراقۆ ل هەمبەر ئەڤێ بریارێ بێدەنگ نەبیت و پێدانا ڤیزا عێراقی ب وەلاتیێن ئیماراتێ ڕاوەستینیت، دگەل ئەوێ یەکێ ژی باڵیوزێ ئیماراتێ ل عێراقێ گازیبکەتە وەزارەتا دەرڤە.
هەروەسا کەریم علێوی ل فڕاکسیونا فەتح، داخواز ل مستەفا کازمی کر، هەلویستەکێ توند بەرامبەر ئەڤێ بریارا حکومەتا ئەبوزەبی هەبیت.
حکومەتا ئەبوزەبی ل ڕۆژا ٢٥ی تشرینا دووێ بریاردا پێدانا ڤیزا وەلاتێ خوە ب وەلاتیێن عێراقێ و ١٣ وەلاتێن دن ڕاوەستینیت.
No comments:
Post a Comment