پرس بادینی
ئەو ماموستایێ دهوکێ پشتی دەستەسەرکرنێ ژ ئالیێ پولیسان ڤە دادگەهێ بریاردا بهێتە ئازادکرن و د چاڤەرێ بونێ دابوو داکو ڤەگەریتە ماڵ، بەلێ پشتی ئەنجامدانا رێکارێن ئازادکرنێ، ل شوینا چون بو ماڵر ئاسایشێ دەستەسەرکر و بو دەما ٨٤ ڕۆژانە د زیندانێ دایە.
پشتی ئازادکرنێ بە دەمەکێ کێم، بەدەل بەرواری پوستەکێ د فەیسبوکی دا دکەت و دنڤێسیت، " دێ ل ڤان نیزیکا خوپێشاندانەکا سەرتاسەری ل دهوکێ رێک ئێخین".
ب وی سەدەمی و ب تومەتا هاندنا وەلاتیان بو خوپێشاندانێ، ل ١٨ی ئابا ٢٠٢٠ێ هێزەکا ئەمنی چویە سەرماڵا وی بو دەستەسەرکرنێ، بەلێ ئەو ل ماڵێ نەبوو، هەر ژبەر وێ یەکێ ڕۆژا پاشتر ئەو بخو چویە بنگەهێ پولیسان و خوە ڕادەستکریە و ژ وی دەمی وەرە د زیندانێ دایە.
ئاری بەدەل بەرواری گوت، ١٨ ڕۆژان بەریا نها بابێ وی ل زیندانێ ب رێکا تلەفونێ پەیوەندی ب مەکر و گوت ژی "ئەزێ د زیندانا زرکا ڤە ل دهوکێ، تەندروستیا من باشە و ئەز ئازار نەدامە، رێزێ ل من دگرن، بەلێ ل دوماهیکێ ئەز ل ڤێرێ زیندانی مە".
لسەر گوتنێن ئاری بەدەل بەرواری، پشتی وێ یەکێ کو دوسێیا بابێ وی بریە دادگەهێ، ل دادگەهێ بێ تاوانیا وی هاتیە سەلماندن و گوتنە، چو کەس لسەر دەربرینا بوچونێ ناهێن سزادان و بریار هاتیە دان بهێتە ئازادکرن، "مە بریارا دادگەهێ برە بنگەهێ پولیسان ژبوی وێ یەکێ ئازاد بکەن، ل وێرێ کارێن یاسای تەمامکرن و بابێ من چاڤەرێ بو ڤەگەریتە ماڵ، بەلێ ژ زیندانا پولیسان دەرخستن و ئاسایشێ بر".
خوپێشاندانێن دهوکێ، ل مەها ئایارا ئیساڵ دژی پاشکەفتنا مووچەی و خرابیا ڕەوشا وەلاتیان و بێکاریێ سەرهلدا.
No comments:
Post a Comment