پرس بادینی
وەزارەتا ساخلەمیا هەرێمێ ڕاگەهاند، د ٢٤ دەمژمێرێن بوریدا ٧٧٢ حالەتێن نوی یێن توشبونێ ب کۆرۆنایێ و ٢١٢ حالەتێن چارەسەر بونێ و ٢٢ حالەتێن جان ژ دەستدانێ هاتنە تومارکرن.
ئەڤرۆ چوارشەمبی، وەزارەتا ساخلەمیا هەرێمێ ڕاگەهاند، "د ٢٤ دەمژمێرێن بوریدا ٧٧٢ حالەتێن نوی یێن توشبونێ ب ڤایرۆسێ کۆرۆنایێ هاتنە تومارکرن، ب ڕەنگەکێ کو ٤١٥ ل دهوکێ بونە، ٢١٣ سلێمانی، ٧٧ ل هەولێر، ٤١ گەرمیان، ٢٠ حەلەبچە و شەش ل ڕاپەرین".
ئاماژە ب وێ یەکێ ژی کریە، "٢١٢ کەس ژ ڤایرۆسی چارەسەربونە، کو ٩٤ کەس ژ وانا ل هەولێر، ٤٥ ل دهوکێ، ٣٣ ل گەرمیان، ٢٣ ل سلێمانیێ بونە".
ئەو یەکژی خوەیا کریە "٢٢حالەتێن جان ژ دەستدانێ ژی ب ڤایرۆسی هاتنە تومارکرن، هەشت ژ وانا ل سلێمانیێ، چوار ل دهوکێ، سێ ل هەولێر، سێ ڕاپەرین، دوو ل حەلەبچە، دوو ل گەرمیان".
ل گۆڕەی داوی ئامار، هەتا نها ٨٦ هەزار و ٦٠٠ کەس ل هەرێما کوردستانێ توشی ڤایرۆسێ کۆرۆنایێ بونە، ژ وێ ژمارێ ژی ٥٣ هەزار و ٥٧٦ کەس چارەسەربونە و دوو هەزار و ٧٣١ کەسێن دن ژی جانێ خوە ب ڤایرۆسی ژ دەستدانە.
No comments:
Post a Comment