پرس بادینی
حکومەتا عێراقێ ڕاگەهاند، ئەم ئیدانا هێرشا پەکەکێ بو سەر هەرێمێ دکەن و ژبوی داوی ئانین ب وان هێرشان دێ رێکارێن پێتڤی بکارئینین و گوتیە ژی "سوزێ ددەین سنورەکێ بو هێرشکرنا سەر سەروەیا وەلاتی دابنین".
حکومەتا عێراقێ دەربارەی ئاڵوزیێن دناڤبەرا پێشمەرگە و پەکەکێ دا ڕاگەهاندنەک بەلاڤکر و تێدا هاتیە "ب توندی ئەوێ هێرشێ بو ناڤ ئاخا عێراقێ ڕەتدکەین و سوزێ ددەین سنورەکێ بو هێرشکرنا سەر سەروەریا وەلاتی دابنین".
ئەویەک ژی خوەیا کریە "دێ رێکارێن پێتڤی بکارئینن بو داوی ئانین ب وان هێرشان و پێشیلکرنا ئاسایش و سەروەریا وەلاتی".
دوهی، سەرۆکایەتیا هەرێما کوردستانێ بەحس لوێ یەکێ کر، "د دەمەکێ دا گەلێ کوردستانێ تێکەفتیا چەندین قەیران و ئاریشەیانە، ئەڤ شەر پێ فروتنە و ئاڵوزیە ژ ئالیێ پەکەکۆ ڤە، ڕەوشا هەریما کوردستانێ و گەلێ مە ئێخستیە د نەهامەتیێن زێدەتر دا".
دووهی دهەمان دەمدا قەهرەمان کەماڵ جێگرێ سەرۆکێ هەی ئا ئەرکانی ڕاگەهاندبوو، "ب چوو ڕەنگا، ئیروو ل چەمانکێ شەر دناڤبەرا پێشمەرگە و پەکەکێ دت ڕوونەدایە".
ڕێڤەبەرێ ڕاگەهاندن و ڕەوشەنبیریا وەزارەتا پێشمەرگەی ژی ڕاگەهاندبوو "ل ناحیا چەمانکێ ب سەدەما پەقینەکێ، کو پەکەکێ دانابوو، دوو ئەفسەر و جیگرێ ئەفسەرەکێ پێشمەرگەی بریندار بوون".
ژ ئالیێ خوەڤە ژی هەپەگێ بەلاڤکربوو "هێزێن مە شەر نەکرنە و چەک ب کار نەئانینە"، بەحسا وێ یەکی ژی کریە "ئەگەر هێرشێن پارتی دیموکراتی کوردستان بەردەوامبن، د چوارچوڤێ خوپاراستنێ دا ئەم دێ خو پارێزین".
ئەڤە د دەمەکێ دایە سحاریا دوهی چوار شەمبی رێکەفتی ٢٠٢٠/١١/٤ ژ ئەگەرێ بومبەکا چاندی کو ب هێزێن پێشمەرگەی ڤە ل ناحیا چەمانکی پەقیە، پێشمەرگەیەک شەهیدبوو و دوو یێن دن ژی برینداربون.
No comments:
Post a Comment