پرس بادینی
ئێکگرتوا ئیسلامی کوردستان ڕەخنەیێن توند ل حکومەتا هەرێمێ دگریت و ب خەمساری د ئاستێ پەیداکرنا چارەسەریێ بو دابەشکرنا مووچێ فەرمانبەران تومەتباردکەت کو چ رێکێن چارەسەریا جدی بکار نائینیت بو دەرچون ژ ڤێ قەیرانا ب ترس.
ئەڤرۆ ئێک شەمبی ٢٩ی تشرینا دووێ ٢٠٢٠ێ ئەنجومەنێ جێبەجێکرنا ئێکگرتوا ئیسلامیا کوردستانێ، جڤیا و پشتی جڤیانێ ڕاگەهاندنەک بەلاڤکر.
د بەشەکێ ئەوێ ڕاگەهاندنێ دا هاتیە، ڕەوشا نەهواستی یا هەرێمێ پشتی دەرکەتنا یاسایا دەینکرنێ و ڕاگرتنا شایستەیێن دارای یێن پێتڤی ب مووچەیێ فەرمانبەران ڤە، چویە د ڕەوشەکا دژوارتردا، لبەرامبەر وێ یەکێ ژی حکومەت گەلەک خەمسارە و چ رێکێن چارەسەریێن جدی بکار نائینیت بو دەرکەتن ژ ڤێ قەیرانا بترس، ئەڤەژی نیشانا نەبونا ئیرادا راستەقینەیە ژبوی چارەسەرکرنێ و شکەستنا سیستەمێ حکومرانیێ ل ڤێ هەرێمێ.
ئێکگرتوا ئیسلامی ب پێتڤی زانیە هەرچەند زوترە حکومەتا هەرێمێ هەمی بزاڤان بکەت ژبوی رێکخستنا داهاتێ نافخویا هەرێمێ و رێککەفتنا تەمام دگەل حکومەتا عێراقێ ل پێناڤ دەستەبەرکرنا بوودجەیێ پێتڤی بو دابەشکرنا مووچەیێ فەرمانبەران و مووچەخوران، ب ڕەنگەکێ مەهانە بێی لێبرین و پاشکەتن.
هەر د وێ جڤینێ دا بریار هاتیە دان، ئێکگرتوا ئیسلامیا کوردستانێ هەموو بزاڤ و شیانان بکاربینیت ژبوی دەرچونێ ژ ڤێ قەیرانا دژوار و ل پێناڤ هەمو رێکار و میکانزمێن پێتڤی دێ بکارئینیت دگەل ئالیێن پەیوەندیدار و رێکخراوێن جڤاکا سڤیل و جەماوەری ب گشتی.
No comments:
Post a Comment