پرس بادینی
وەزارەتا دارایا حکومەتا عێراقێ، خشتێ خەرجیێن حکومی یێن سالا ٢٠٢٠ێ بەلاڤکر، و هەمی سەرۆکایەتیا و وەزارەتان خەرجیێن وان بەلاڤکرن، و تێدا دبێژە، زێدەتری تڕلیۆنەک دینار شاندنە هەرێما کوردستانێ.
ل گۆڕەی روونکرنا خەرجیێن وەزارەتا دارای، سەرجەمێ خەرجیێن حکومی ل دەسپێکا ئەڤساڵە هەتا مەها ئەیلۆلا بووری ب بودجێ پارێزگەهـ و هەرێم و وەزارەتێن وێ ڤە ٥١ تڕلیۆن و ٧٣٤ ملیار دیناربوە.
لسەر ڕاپورتا وەزارەتا دارای، سەرجەمێ بوودجا شاندی هەرێما کوردستانێ، زێدەتری تڕلیۆنەک دینار هەڤدەم سەرجەمێ بوودجێ جڤاتا نوینەرێن عێراقێ، ٣١٣.٦ ملیار دینار بووە.
هەروەسا خەرجیێن سەرۆکایەتیا کۆماری ٣٠.٦ ملیار دیناربووە و خەرجیێ جڤاتا وەزیران ژی ٣.٢٤ تڕلیۆن دینارە.
دەبارەی خەرجیا وەزارەتان، خەرجیێن وەزارەتا دارای زێدەتر بووە، ئەوژی ١٤.٣ تڕلیۆن دینارە، پاشان ژی وەزارەتا نەفخو کو ٨.٥ تڕلیۆن خەرجی هەبوو، وەزارەتا بەرەڤانیکرنێ ژی پێنج تڕلیۆن دینار خەرجی هەبوو.
هەر ل گۆڕەی ڕاپۆرتێ، ژ سەدێ ٩٢ داهاتێ عێراقێ، پارەیێ نەفتێ بووە و سەدێ هەشتێ یا دی ژی داهاتێ گشتی بوە.
No comments:
Post a Comment