پرس بادینی
سەندیکا رۆژنامەڤانێن یەمەنێ ب هەلکەفتا رۆژا جیهانیا بەرەڤانیکرنێ ل تاوانێن دژی ڕۆژنامەڤانان ڕاگەهاندنەک بەلاڤکر و خوەیا کر ل ١٠ سالێن بوری ٤٤ ڕۆژنامەڤان ل وی وەلاتی هاتنە کوشتن.
د ڕاگەهاندنەکێ دا خوەیا کریە، ب سەدەما بەرسڤ نەدانا سکالایێن ڕۆژنامەڤان و خێزانێن وان، ئەو کەسە نەهاتنە سزادان کو سەرپێچی بەرامبەر ڕۆژنامەڤانان ئەنجامدانە
دەربارەی سزادانا ئەنجامدەرێن پێشێلکاریا و تاوانێن دژی ڕۆژنامەڤانان، بەحس ل وێ یەکێ کریە، کو بەردەوام ڕێگریێن زێدە بوو دەزگەهێ دادوەریێ دروستکرنە و پتریا ئەنجامدەران یان سەر ب حکومەتێ ڤەنە یان سەر ب گروپێن خودان هێز و دەستهەلاتدارڤەنە.
حوسی کو ژ ئالیێ ئیرانێ ڤە پشتەڤانیا وان دهێتە کرن، ل ساڵا ٢٠١٤ و هەتا نها دەست ب سەر سەنعایا پایتەخت و چەند ناوچەیێن دن یێن وی وەلاتی دا گرتیە، هێزێن هەڤپەیمانیا عەرەب کو سعودیە پشتەڤانیێ لێ دکەه ل ئادارا ٢٠١٥ێ وەرە بو پشتەڤانیا حکومەتا یەمەنێ ئوپەراسیون دژی حوسیان دەستپێکریە.
ل گۆڕەی زانیاریێن نەتەوەیا ئێکگرتی ل شەش ساڵێن بووری دا، ب سەدەما پێکدادانا یەمەنێ نێزیکی ١١٢ هەزار کەس هاتنە کوشتن و نێزیکی ١٢ هەزار وەلاتیێن یەمەنێ بون.
No comments:
Post a Comment