پرس بادینی
ئەڤرۆ سێ شەمبی ئێک ژ سەرکردەیێن دیارێ هەرێما کوردستانێ ( قادر حاجی عەلی) ئێک ژ دامەزرێنەرێ بزاڤا گۆڕان، ب سەدەما توشبونێ ب ڤایرۆسێ کۆرۆنایێ ل باژێرێ سلێمانیێ جانێ خوە ژ دەستدا.
ماڵباتا قادر حاجی عەلی د ڕاگەهاندنەکێ دا ئاماژا ب وێ یەکێ کر "جهێ داخەکا مەزنە خەبەرێ مرنا بێ ژڤان یا سەرکردە و سوارچاکێ شورەشێ و بەرەڤانیکەرێ نەدادیێ قادری حاجی عەلی ڕادگەهینین، کو ئەڤرێ ٩ی تشرینا دووێ ٢٠٢٠ێ پشتی ململانێیەکا زێدە دگەل نەخوشیا کۆرۆنایێ جانێ خوە ژ دەستدا".
قادرێ حاجی عەلی ئێک بوو ژ دامەزرێنەرێ بزاڤا گۆران و سەرکردێ بەرێ یێ ئێکەتیا نشتیمانی، کەسایەتیەکێ دیارێ سیاسیێ هەرێما کوردستانێ بوو و بو دەما زێدەتر ژ مەهەکێ بوو توشی ڤایرۆسێ کۆرۆنایێ ببو و ل نەخوشخانەیەکا باژێرێ سلێمانیێ چارەسەری وەردگرت.
No comments:
Post a Comment