پرس بادینی
هێزەکا زیدەتر ژ دوو هەزار کەسان شاندنە شەنگا و دەوروبەرێن وێ، بەحس ل وێ یەکێ دهێتە کرن ئارمانج ژ لڤاندنا ئەوێ هێزێ دەرێخستنا یەبەشێ یە ل شەنگاڵێ، بەرامبەر وێ یەکێ ژی یەبەشە ڕەتدکەت شەنگاڵێ ب جی بهێلیت، و دبێژە ئەم هێزەکا عێراقی نە، هوشداریا شەری د وێ ناوچەیێ دا ددە.
درەنگیا شەڤا پێنج شەمبی ٢٠٢٠/١١/١٩ هێزەکا زێدەتر ژ دوو هەزار کەسان ژ پولیسێن فیدڕاڵ یا عێراقی گەشهتنە دەوربەرێن شەنگاڵێ و ل ناوچەیا خانەسۆرێ و دومیز و گرزەرک جێگرکرن، دهێتە زانین ئەڤە ئێکەم پێنگاڤا کردەی یا جێبەجێکرنا ڕێککەفتنا دناڤبەرا هەرێم و بەغدایێ یە ژبوی "ئاسایکرنا ڕەوشا شەنگاڵێ".
دەربارەی جێگرکرنا ئەوێ هێزێ ل دەوروبەرێ شنگاڵێ، عارف قەیرانی ئێک ژ فەرماندێ بلندێ یەبەشێ، بو پرس میدیا ڕاگەهاند خەڵکێ شنگاڵێ رێککەفتن ڕەتکریە و ڕێکێ نادەن بهێتە جێبەجێکرن، ئینانا ئەوێ هێزێ ژی وەکی پێنگاڤەکا رێککەفتنێ دهێتە دیتن، و ئەڤەژی ناهێتە قەبولکرن.
مەحما خەلیل قەیمقامێ قەزا شنگاڵ، کو ژ ساڵا ٢٠١٤ێ وەرە شنگال ب جی هێلایە و ل دهوکێ نیشتەجێ بوە، بو خەندان ڕاگەهاندبوو، هێزێن پولیسا فیدڕاڵا عێراقێ ژبوی وێ یەکێ هاتیە ناوچێ داکو شنگاڵێ ژ یەبەشێ پاقژبکەت.
ئاماژە ب وێ یەکێ ژی کریە، یەبەشێ دوو بژاردە هەنە، یان شنگاڵێ ب جی بهێلیت و بچیتە دەرڤە، یان تێکەلی سوپایێ عێراقێ ببیت و خوە ب هەلوەشینیت.
بەرامبەر وێ یەکێ ژی، قیرانی گەوت، "یەبەشە هۆزەکا عێراقی یە، و هەمو ئەندامێت وێ خەلکێ شنگاڵێ نە، کەس نەشیت مە ژ باژێرێ مە دەربێخیت، ئەم نهاژی مووچەی و هەڤکاریان ژ حکومەتا عێراقێ وەردگرین".
ل ڕۆژا ٩ی ئۆکتوبەرا ئیساڵ حکومەتا فیدڕاڵا عێراقێ و حکومەتا هەرێما کوردستانێ ڕێککەفتنەکا پێتڤی لسەر ڕەوشا شەنگاڵێ ئیمزاکر، و ل گۆڕەی ئەوێ رێککەفتنێ دڤێت هێزێن سەر ب پەکەکێ ڤە ژ شنگاڵێ ب دەرکەڤن، و ئیدارەکا نوی بو بهێتە دامەزراندن و هێزەکا نوی یا دوو هەزار و ٥٠٠ کەسی بهێتە دامەزراندن، یا بەر پرس بیت ژ پاراستنا شەنگاڵێ.
No comments:
Post a Comment