پرس بادینی
ئەیاس حەسەن هەرکێ ئەو گەنجێ بەریا دوو ساڵان ل ئەڵمانیا وەکو تولڤەکرن لهەمبەر سفکاتیکرن ب ئالایێ کوردستانێ هێرش کریە سەر کەسەکێ تورک کو ئالایێ تورکیا بلندکربوو، بو دەما ١٢ رۆژایە بەرزەیە و چ شوێنەوارێن وی دیار نینن.
رۆستەم حەسەن هەرکی برایێ ئەیاس حەسەن تایبەت بو مالپەرێ پرس میدیا ڕاگەهاند، بوو دەما ١٢ رۆژایە برایێ وی ئەیاس ل وەلاتێ ئەڵمانیا نەیێ دیارە و ئەوان پولیس ژی ئاگەهدارکرنە لێ هێشتا چ زانیاری بدەست وان نەکەتنە.
بەحسا وێیکێ ژی کر، برایێ وی بابێ سێ زارۆکانە و تەمەنێ وی ٢٨ ساڵە و ل باژارێ کۆڵن ل وەلاتێ ئەڵمانیا دژیت، ل دوایێ داخوازێ ژی کر، ئالیێن پەیوەندیدار ب ڕووڵێ خو ڕابن و برایێ وان پەیدابکەن، و بزڤرینن ناڤ زارۆک و کەسوکارێن وی.
ئەیاس حەسەن، ئەو گەنجێ کوردێ بەریا دوو سالان ل وەلاتێ ئەڵمانیا وەکو توولڤەکرن لهەمبەر سفکاتیکرن ب ئالایێ کوردستانێ هێرش کریە سەر کەسەکێ تورک کو ئالایێ تورکیا بلندکربوو، بویە بابەتێ گەرمێ وی دەمیێ سوشیال میدیایێ.
No comments:
Post a Comment