پرس بادینی
سەرۆکێ فڕاکسیونا پارتی ل پەڕلەمانێ کوردستانێ ناڤەرۆکا گرێبەستا ٥٠ سالی یا دناڤبەرا هەرێم و تورکیایێ دا ئەشکرا دکە کو لسەر دەمێ کابینەیا ٧ یا حکومەتا هەرێما کوردستانێ هاتبو ئیمزاکرن.
دەقێ ڕاگەهاندنا ئۆمێد خوشناو:
گرێبەستا ٥٠ ساڵی و چەند ڕاستیەک
ئومێد خۆشناو
دەمەکە چەند کەسەک ل ئاستێ سەری و ناڤەندی و خوارێیا هندەک حزبان، بەحس ل وێ یەکێ دکەن کۆ ئەو ئاگەهداری ناڤەرۆکا گرێبەستا ٥٠ سالیا دناڤبەرا کوردستان و تورکیایێ دا نینن!
ئەو کەسە پێتڤیە ژ نوینەرێن خویێن دناڤا حزباندا ب پرسن کا ئەو گرێبەستە چیە و چەند ئاگەهدارن؟، پێتڤی ناکەت ڕایا گشتی چەواشە بکەن، بەلێ ژبوی زانیاریێن هەمو ئالیەکێ ئەوان چەند زانیاریان رووندکەم.
١/ گرێبەستا ٥٠ سالی لسەردەمێ کابینەیا ٧ی یا حکومەتا هەرێما کوردستانێ و لبەر چاڤێ جڤاتا نەفت و غازا هەرێمێ ب ڤی ئاوایێ ل خوارێ بوو.
*سەرۆک وەزیران نێچیرڤان بارزانی
*جێگرێ سه‌رۆک وه‌زیران عیماد ئه‌حمه‌د
*وه‌زیرێ سامانێ سروشتی ئاشتی هه‌ورامی
*وه‌زیری دارایی خودێ ژێ رازی شێخ بایز تاڵه‌بانی
*وه‌زیرێ پلاندانانێ دکتۆر عه‌لی سندی
*سکرتێرێ ئه‌نجومه‌نێ وه‌زیران دکتۆر ئامانج ڕه‌حیم.
ئەرێ خەلکێ کوردستانێ ئەڤ بەرێزە کینە و ل چ حزبەکێ نە؟، ئەرێ چ جاران ئێک ژ وان بەرێزان بەحسا وێیکێ کریە ئاگەهداری گرێبەستێ نەبن؟
٢/ لسەردەمێ کابینا هشت یا حکومەتا هەرێما کوردستانێ بۆ زەنگینکرن و پێداچونا گرێبەستێ، شاندەکێ حکومەتا هەرێما کوردستانێ کو پێکهاتبوو ژ
*قوباد تاڵه‌بانی جێگرێ سه‌رۆک وه‌زیران
*ڕێباز حه‌ملان وه‌زیرێ دارایی و نوێنه‌ری ویدەمی یێ بزاڤا گۆڕان
*ئاشتی هه‌ورامی وه‌زیرێ سامانێ سروشتیی
*د. عه‌لی سندی وه‌زیرێ پلاندانانێ
*د.ئامانج ڕه‌حیم سکرتێرێ ئه‌نجومه‌نی وه‌زیران، لسەردەمێ کابینا هەشت چونە تورکیا و رێککەفتن هەموارکرن.
دیسان ئەرێ خەلکێ کوردستانێ ئەو کیبون و ل چ حزبێ بون؟
ڕۆژەکێ ژ ڕۆژان هەوە کەسەک دیت بێژیت ئەز نەیێ ئاگەهدام؟
٣/ چەند جارەکان ئەنجومەنێ هەرێمێ یێ نەفت و گازێ، بو زانیاریدان دگەل سکرتێر و رێکخەرێ حزبان و مەکتەب سیاسیێن حزبان جڤیان و زانیاریێن هویر بواندان.
ژبەر وێیکێ باشترە ئێدی ئاخێ نەکەنە د چاڤێت خەلکی دا و ڕاسا گشتی چەواشە نەکەن، هەر پرسیارەکا هەوە هەیە، ژ نوینەرێت خوبکەن ئەوێن دناڤا حکومەتێ دا.
بەرێ رۆژێ ب بێژنگێ ناهێت گرتن، دەما دەرخستنا گەلەک ڕاستیان هاتیە، ئەم و هوبن ب دکیومێنت باخڤن، لوژیک و مەنتق و نیشاندانا ڕاستیان دێ کارێ مەبیت و هوین ژی ل چەوا شەکاری و نەراستیا بەردەوامبن و داویێ ژی خەلکێ وژدان ساخێ دناڤ مە و هەوە دا حاکمە و دێ حوکمی دەت.
No comments:
Post a Comment