پرس بادینی
فڕاکسیونا گۆڕان ل جڤاتا نوینەرێن کوردستانێ بەرسڤەکا توند دایە سەرۆکێ فراکسیونا پارتی کو گوتبوو دێ پێداچونێ د رێککەفتنا دگەل بزاڤا گۆڕاندا دکەن.
فراكسیۆنی گۆڕان ل جڤاتا نوینەرێن كوردستانێ ئەڤرۆ ٢٠٢٠/١٢/١ بتوندی بەرسڤا فڕاکسیونا پارتی دا و ڕاگەهاند "ژ دروستبونا ئەڤێ حکومەتێ وەرە، بزاڤا گۆڕان ملێ خۆ دایە بەر هەمو ئەوان دەردەسەریا ئەوێن حکومڕانیا کوردی پشتی ڕاپەڕینێ بەرهەمئانین، ئەو هەمی ژی لپێناڤ چاکسازی و مانا قەوارەیا هەرێمێ و دووبارەنەبونا ئەزمونا دوو ئیدارەیێ بووە".
بەحسا وێ یەکێ ژی کریە "هەر چ پوستێ بزاڤا گۆڕان هەیە د حکومەتێ دا، مافێ وێ یە نەکو بتنێ وەکو پشکا حزبیە، بەلکو وەکو وەلاتیژی ژمارا ڕاستی گەلەک زێدەترە ژێ یا د ئەنجامێن هەلبژارتنان دا هاتیە ڕاگەهاندن، بزاڤا گۆڕان لپێناڤ مانا هەرێمێدا ب ١٢%ێ پوستان رازیبووە کو سەرۆکێ فڕاکسیۆنا پارتی ب خۆژی دزانیت چ دزی و سەختەکاری د هەلبژارتنان دا ئەنجامدانە".
ئەویێکەژی هاتیە "لڤێڕە ب بێمنەتی ڕادگەهینن فەرموون وەکو فڕاکسیۆنا پارتی سەرجەمێ بەرنامێ حکومەتا پێکهاتی ژ پارتی و ئێکەتی و گۆڕان بیننە سەر مێزا گوتوبێژان و بلا د پەڕلەمانی دا ب شەفافیانە ژبووی ڕایا گشتی ڕابگەهینن و بزانن چەند ژ وێ کارنامێ بۆ بەرژەوەندیا خەلکی هاتنە جێبەجێکێرن و کێ ئالیێ کێمتەرخەم بووە؟"
گۆڕان دەستەمۆ نابێت."
ڕاگەهاندیە ژی "ل داویێ ژی پێتڤیە ئەوێ ڕاستیا حکومڕانیێ لبیرا سەرۆکێ فڕاکسیونا پارتی بینن کو ئارمانج ژ حکومرانیێ خزمەتا خەلکی یە، چونکە حکومەت ب مانایا بێدەنگبون لسەر قوت و مووچە و گەندەلیێ ناهێت، بتایبەت کو ئەرکێ سەرەکیێ پەڕلەمانی چاڤدێریکرنا حکومەتێ و لێپرسینە دگەلدا وەکو د رێککەفتنا پێکئانینا کابینێ ژی دا هاتیە، هەتا ئەگەر پارتی بتنێ ژی حکومەت پێکئانیبا، ژبەر وێیەکی ب بەژداریا د حکومەتێ دا، بزاڤا گۆڕان دەستا ناداهێلیت".
No comments:
Post a Comment