پارتەكا سیاسیا هەرێما كوردستانێ پشتەڤانیا خۆ بۆ خۆپێشاندانێن مەدەنیانە ل هەرێمێ بۆ داخوازكرنا مووچە و ماف و شایستەیێن دارای یێن وەلاتیان ڕاگەهاند.
هەڤپەیمانیا نشتیمانی ب سەرۆكایەتیا ئارام
قادر سەرۆكێ هەڤپەیمانیێ، پشتەڤانیا خۆ بۆ هەمی خۆپێشاندانێن هەرێما كوردستانێ
دیاركر، ب مەرجەكێ حۆپێشاندانێن مەدەنیا نەبن و ئارامی و ئاسایشا جادی
بەرجەستەبكەت و دووربیت ژ گرژی و ئالوزی و بەلارێدابرنا دەستێ دەرەكی.
ئاماژە ب وێ یەكێ ژی كر، هەمو ئەندامێن وان
لسەر هەمی ئاستێن جیاواز بەژداری خۆپێشاندانێ بووینە و چەند ئەندامێن وان
دەستەسەركرنە، هەڤدەم ئارام قادر سەرۆكێ هەڤپەیمانیا نشتیمانی بۆ میدیایا فەرمی یا
حزبا خۆ ڕاگەهاند، "ئەم ژ وێ یەكێ پشت راستین كۆ داهاتی سەر عەردی و ژێر عەردیێ
هەرێما كوردستانێ داهاتەكێ مەزنە و ناهێتە هەژمارتن و دشێت ب رێكا دروستبونا
حكومەتەكا نشتیمانی ئاشتی و ئارامی و خۆشگوزەرانیێ بەرهەمبینیت".
ئەڤەژی د دەمەكێ دایە بۆ ماوێ چەند رۆژانە
نەرازیبوون ل دوو پارێزگەهان و چەند قەزا و ناحیا ل هەرێما كوردستانێ دروستبوونە و
بەردەوامن و ب دەهان كەسایەتی و ماموستا و چالاكڤان و وەلاتی هاتنە دەستەسەركرن و
هەژمارەك دناڤا خۆپێشاندانان دا هاتنە وشتن.
No comments:
Post a Comment