پرس بادینی
نڤیسینگەها رۆژنامەڤانیا سەرۆک وەزیرێن عێراقێ د ڕاگەهاندنەکێ دا بەلاڤکریە کو جڤاتا وەزیرێن عێراقێ ب سەرۆکایەتیا مستەفا کازمی جڤینا خۆ یا ئاسای ئەنجامدا.
ل گۆڕەی ڕاگەهاندنێ د جڤینێ دا مستەفا کازمی تەکەز ل وێ یەکێ کر کو پێتڤیە هەمو وەزیر هەر چ شیان و هێز هەنە ل پێناڤ خزمەتکرنا نیشتەجێیێن پارێزگەها زیقار بکاربینن.
د ڕاگەهاندنێ دا ئاماژە ب وێ یەکێ نەکریە کو حکومەتا عێراقێ فکراوێ یەکێ هەبیت ٣٢٠ ملیار دینارێن مووچی موچەخورێن هەرێمێ بشینە.
د بەشەکێ دن یێ ڕاگەهاندنەکێ دا هاتیە "دڤێت هەمو وەزیر بزاڤێن خو توندبکەن بو وێ یەکێ داخوازیێن ڕەوا یێن خەلکێ زیقار جێبەجێبکەن ب تایبەتی ئەوا پێتڤی ب بوارێن تەندروستی، خزمەتگوزاری، کشتوکال، پێشەسازی و بنیاتنانا ژێرخان".
بەحسا وێ یەکێ ژی کریە، سەرۆک وەزیران، مستەفا کازمی، ڕاگەهاندیە، کومسیونا بلندا سەربەخویا هەلبژارتنان پێتڤی ب پشتەڤانیکرنێ هەیە و گوتیە،"گرنگە هەمو وەزارەت، پێتڤیێن کۆمسیونا بلندا سەربەخویا هەلبژارتنان ب ئارمانجا سەرخستنا کارێن وان دابین بکەن".
No comments:
Post a Comment