پرس بادینی
هەڤپەیمانیا نشتیمانی پشتەڤانیا خۆپێشاندانەکێ دکەت کو بۆ دەربرینا نەرازیبون و داخوازیکرنا ماف و خزمەتگوزاریێن دەستپێکی بیت.
سەرگوڵ قەرەداغی گوتەبێژا هەڤپەیمانیا نشتیمانی ڕاگەهاند "خۆپێشاندان و دەربرینا نەرازیبونێ بۆداخازکرنا ماف و خزمەتگوزاریێن دەسپێکی و دژایەتیکرنا ستەم و نەدادیا مافێن سادە و ئاسایێن وەلاتیانە و د سیمایێ د سیمایێ حکومرانیێ دا دروستە و بنەمایێ سەرەکیێ دیموکراسیەت و رێکەکا مەدەنی و گوزارشتکرنەکا ئاسای یە و پێتڤیە رێزێ لێ بگرن و بڕەنگەکێ مەدەنی بەرسڤێ بدەن نەکو ب توندوتیژیێ و بێدەنگکرنێ.
ئاماژە ب وێ یەکێ ژی کر "ڕەوشا وەلاتیان ب گشتی و مووچەخور و فەرمانبەر ب تایبەتی د ڕەوشەکا خراب و مەترسیداردانە پێتڤیە حکومەت و دەستهەلاتدار د هزرا چارەسەریا بلەزا ڤێ ڕەوشێ دا بن کو ئەوژی ئەرکێ وان یێ سەرەکی یە، هێزێن ئەمنی ژی ب هەمان ڕەنگێ مووچەخوران بەریکێن وان د ڤاڵانە، لەورا دڤیا ئەو ژی ل شوینا سەرکوتکرنا خوپێشاندەران، د رێزێن خەلکێ نەرازیدابونایە و داخوازا مافێن خو کربانە".
بەحسا وێیەکێ ژی کریە، "ئەم پشتەڤانیا داخوازیێن خۆپێشاندەران دکەین و داخوازێ دکەین هەر چەند زووترە دەستەسەرکریا ئازادبکەن و حکومەت گوهێ خو بدەتە داخوازیێن وان یێن ڕەوا و ل وان ڕاستیا تێبگەهیت کو بارێ ژیان و گوزەرانا خەلکی بڕەنگەکێ خراب بووە کو د تاقەت و هێزا وان دا نەمایە و هزرەکا جدی لسەر چارەسەریێ بکەت، هەتا کۆ ڕەوش ژ ڤێ خرابتر نەبیت و ناڤ و دەنگیا هەرێمێ ژ ڤێ زێدەهر نەشکێت.
ئەڤرۆ پێنج شەمبی ٢٠٢٠/١٢/٣ بۆ دووەم رۆژ خۆپێشاندانێن بەرفەرهـ یێن وەلاتیێن سلێمانیێ ب رێڤەچوو، هێزێن ئەمنی ژی بو بەلاڤکرنا خۆپێشاندەران گوللەیێن پلاستیکی و گازا رووندکرێژ بکارئانین.
No comments:
Post a Comment