پرس بادینی
لسه‌ر داخوازا قوباد تالبانی جێگریً سه‌رۆكوه‌زیرێن هه‌رێمێ، ئێڤاریا ئه‌ڤرۆ 16ی كانونا ئێكێ 2020، شاندێ بلندێ حكومه‌تا هه‌رێمێ، سه‌ره‌دانا جڤاتا نوینه‌رێن عێراقێ كر و دگه‌ل سه‌رۆكێ جڤاتا نوینه‌ران و هه‌ردوو جیگر و سه‌رۆكێ لژنێن په‌یوه‌ندیدار، ل هولا ده‌ستوریا جڤاتا نوینه‌ران جڤینه‌ك ئه‌نجامدا.
دجڤینێ دا قوبادتالبانی ناڤه‌رۆكا هه‌رێمێ و حكومه‌تا فیدرالی روونكر و ڕاگه‌هاند، "حكومه‌تا هه‌رێمێ پابه‌نده ب یاسایا داگرتنا كورتئانینا دارای و ئاماده‌یه كارێن خۆ ل دیف یاسایێ جێبه‌جێبكه‌ت، و ل هه‌مبه‌ر وێیه‌كێژی داخوازكر جڤاتا نوینه‌ران هه‌ڤكاربیت بۆ جێبه‌جێكرنا یاسایێ و دابینكرنا ماف و شایسته‌یێن دارایێن هه‌رێما كوردستانێ".
پشتی گوتنێن جیگرێ سه‌رۆكوه‌زیرێن هه‌رێمێ، ئاماده‌بویێن جڤینێ سه‌رنج و تێبینیێن خۆ ده‌رباره‌ی دانوستاندنێن هه‌رێم و به‌غدا پێشكێشكرن و دڤێ ده‌ربارێ دا گوتۆبێژو بیروباوه‌ر لێك گوهارتن.
هه‌ردجڤینێدا محه‌مه‌د حه‌لبوسی سه‌رۆكێ جڤاتا نوینه‌ران ڕاگه‌هاند "په‌رله‌مان پشته‌ڤانیێ ل په‌یداكرنا چاره‌سه‌ریه‌كا بنه‌ره‌تی بۆ ئاریشه‌یێن ناڤبه‌را هه‌ولێر و به‌غدایێ دا دكه‌ت، ئه‌وچاره‌سه‌ریه‌ژی خۆ د پابه‌ندبوونا هه‌ردوو حكومه‌تێن هه‌رێم و به‌غدایێ دا ب ده‌قێ نڤێسكی ببینیت.
No comments:
Post a Comment