پرس بادینی
ئه‌ندامه‌كێ خولا پێشتریێ لژنا دارای ل په‌رله‌مانێ عێراقێ ڕاگه‌هاند، پرۆژه یاسایا بودجه‌یێ سالا 2021یێ عێراقێ دێ كه‌ڤیته سه‌ر ملێ گه‌لێ عێراقێ و ژبه‌ر وێیه‌كێ دێ ساله‌كا دژوار بیت بۆ عێراقیان.
ئه‌ڤرۆ پێنجشه‌مبی 17ی كانونا یه‌كێ 2020ێ مه‌سعود حه‌یده‌ر، ئه‌ندامێ خولا پێشتریێ لژنا دارای ل جڤاتا نوینه‌رێن عێراقێ د په‌یجێ خویێ فه‌یسبۆكیدا نڤێسایه، "پرۆژه‌یاسایا بودجه‌یێ 2021ێ یێ عێراقێ كه‌فته سه‌ر ملێ گه‌لێ عێراقێ، ب فه‌رمی بهایێ دیناری لهه‌مبه‌ر دۆلاری 25% داكه‌تیه، واتا دۆلار دناڤبه‌را 145 بۆ 150 هه‌زار دیناران دبیت".
به‌حسا وێ یه‌كێ ژیكریه، "عێراقێ ده‌رمالێ هه‌موو فه‌رمانبه‌ران ب رێژیێن جیاواز كێمدكه‌ت و دناڤبه‌را 20% هه‌تا 60% ئه‌نجامێن ڤێ كێمكرنێ دێ كه‌ته نێزیكی 30% خورجیا مووچه‌یێ هه‌مو عێراقێ.
ئه‌ندامێ خولا پێشتر یێ لژنا دارای ئه‌ویه‌كژی ڕاگه‌هاندیه، "ئه‌ڤه عێراقێ رووبروویێ گرێكێن سیاسی و ئابووریێن گرانكه‌تن و ل سالا 2021ێ دێ ساله‌كا گرانبیت بو عێراقیان.
دگه‌ل وێیه‌كێ ژی، ل گۆره‌ی چاڤكانیان ئه‌ڤ ڕه‌شنڤێسه هێشتا قابیلی گوتوبێژكرنێ نه و په‌سه‌ند نه‌كرنه و ره‌خنه لوێ هاتیه گرتن كۆ پێنگاڤێن داكه‌تنا بهایێ دیناری كارێ به‌نقا ناڤه‌ندی یه، به‌لێ حكومه‌تێ پێشنیار نه‌كریه.
No comments:
Post a Comment